ചങ്ങനാശ്ശേരി: വീട്ടില് കുടിവെള്ളം ചോദിച്ചെത്തിയ യുവാക്കൾ വയോധികയായ വീട്ടമ്മയെ ആക്രമിച്ച് മൂന്നുപവൻ്റെ മാല പൊട്ടിച്ചു. തുരുത്തി ആലഞ്ചേരി ചിന്നമ്മയുടെ (85) മാലയാണ് 8-12 -2020 ചൊവ്വാഴ്ച ഉച്ചയോടെ കവര്ന്നത്.
വീട്ടിൽ ആരുമില്ലാതിരുന്ന സമയത്ത് അടുക്കളഭാഗത്ത് എത്തിയ യുവാക്കള് വീട്ടമ്മയോട് കുടിവെള്ളം ചോദിച്ചു. പിന്നാലെ വീടിനുള്ളിലേക്ക് പ്രവേശിച്ച യുവാക്കള് വീട്ടമ്മയുടെ മുഖത്ത് തുണി മൂടിയശേഷം മാല പൊട്ടിച്ച് കടന്നു കളയുകയായിരുന്നു.. ചങ്ങനാശ്ശേരി സി.ഐ പ്രശാന്ത് കുമാറിന്റെ നേതൃത്വത്തില് അന്വേഷണം ആരംഭിച്ചു.
