തിരുവനന്തപുരം : സ്ത്രീകളെ അധിക്ഷേപിക്കുന്ന വീഡിയോ പോസ്റ്റുചെയ്ത വിജയ് പി.നായരെ മര്ദ്ദിച്ച സംഭവത്തില് ഡബ്ബിങ് ആര്ട്ടിസ്റ്റ് ഭാഗ്യലക്ഷ്മി അടക്കമുള്ള പ്രതികളുടെ മുന്കൂര് ജാമ്യാപേക്ഷ കോടതി തള്ളി. തിരുവനന്തപുരം ജില്ലാ കോടതിയാണ് വിധി പ്രസ്താവിച്ചത്.ഭാഗ്യലക്ഷ്മിയെ കൂടാതെ, ദിയ സന, ശ്രീലക്ഷ്മി അറയ്ക്കല് എന്നിവരാണ് കേസിലെ പ്രതികള്.
ഭാഗ്യലക്ഷ്മിയുടെയും കൂട്ടരുടെയും നടപടി നിയമവിരുദ്ധവും സംസ്കാരത്തിനു നിരക്കാത്തതുമെന്ന് കോടതി നിരീക്ഷിച്ചു. നിയമം കയ്യിലെടുക്കുന്നതിനെ അംഗീകരിക്കാനാകില്ലെന്നും കോടതി നിരീക്ഷിച്ചു.
മോഷണം, മുറിയില് അതിക്രമിച്ചു കടന്നു തുടങ്ങി അഞ്ചു വര്ഷം തടവു ലഭിക്കാവുന്ന കുറ്റങ്ങളാണ് ഇവര്ക്കെതിരെ ചുമത്തിയിരിക്കുന്നത്.ഭാഗ്യലക്ഷ്മി അടക്കമുള്ള പ്രതികള്ക്ക് മുന്കൂര് ജാമ്യം നല്കുന്നതിനെ സര്ക്കാര് എതിര്ത്തിരുന്നു. ഇവര്ക്ക് ജാമ്യം നല്കുന്നത് നിയമം കയ്യിലെടുക്കുന്നതിന് പ്രചോദനമാകുമെന്നു ചൂണ്ടികാണിച്ചാണ് ജാമ്യാപേക്ഷയെ പ്രോസിക്യൂഷന് എതിര്ത്തത്. അശ്ലീല വീഡിയോ പോസ്റ്റ് ചെയ്ത കേസില് അറസ്റ്റിലായ വിജയ് പി നായരെ നേരത്തെ അറസ്റ്റ് ചെയ്തിരുന്നു.
