ന്യൂഡൽഹി: ജൂൺ 15 ന് കിഴക്കൻ ലഡാക്കിലെ ഗാൽവാൻ താഴ്വരയിൽ ചൈനീസ് പട്ടാളത്തോട് പോരാടുന്നതിനിടെ വീരമൃത്യു വരിച്ച 20 സൈനികർക്ക് ഇന്ത്യൻ സൈന്യം സ്മാരകം നിർമിച്ചു. ഔദ്യോഗിക സേനാ വൃത്തങ്ങളാണ് ഇക്കാര്യം അറിയിച്ചത്.
കിഴക്കൻ ലഡാക്കിലെ പോസ്റ്റ് 120 ൽ സ്ഥിതിചെയ്യുന്ന സ്മാരകത്തിൽ പീപ്പിൾസ് ലിബറേഷൻ ആർമി (പിഎൽഎ) സൈനികരെ പ്രദേശത്ത് നിന്ന് പുറത്താക്കിയ രീതിയെക്കുറിച്ച് വിവരിക്കുന്നു. 20 ഇന്ത്യൻ ആർമി ഉദ്യോഗസ്ഥരുടെയും പേരുകൾ സ്മാരകത്തിൽ ആലേഖനം ചെയ്തിട്ടുണ്ട്.
ഏറ്റുമുട്ടലിൽ കൊല്ലപ്പെട്ടവരും പരിക്കേറ്റവരുമായ സൈനികരുടെ എണ്ണം ചൈന ഇതുവരെ വെളിപ്പെടുത്തിയിട്ടില്ല. ചൈനീസ് സൈനികർ ഇന്ത്യൻ സൈനികർക്കെതിരെ കല്ലുകൾ, ഇരുമ്പ് ദണ്ഡുകൾ, കുന്തങ്ങൾ എന്നിവയെല്ലാം ഉപയോഗിച്ചിരുന്നു.
