ന്യൂഡല്ഹി| ഇന്ത്യയുടെ ചരിത്രത്തിലാദ്യമായി ചീഫ് ജസ്റ്റിസ് ഉള്പ്പെടെയുള്ള 21 ജഡ്ജിമാരുടെ സ്വത്ത് വിവരങ്ങള് പുറത്തുവിട്ട് സുപ്രീംകോടതി. സുപ്രീംകോടതിയിലെ 33 ജഡ്ജിമാരില് ചീഫ് ജസ്റ്റിസ് ഉള്പ്പെടെയുള്ള 21 ജഡ്ജിമാരുടെ സ്വത്തുവിവരങ്ങളാണ് പരസ്യപ്പെടുത്തിയിരിക്കുന്നത്. അപക്സ് കോടതി തീരുമാനത്തിന്റെ ഭാഗമായി ജഡ്ജിമാരുടെ മുഴുവന് സ്വത്തുവിവരങ്ങളും സുപ്രീംകോടതിയുടെ വെബ്സൈറ്റില് ലഭ്യമാക്കിയതായി കോടതി അറിയിച്ചു.
ജഡ്ജിമാരുടെ സ്വത്തുവിവരങ്ങള് പരസ്യപ്പെടുത്താനുള്ള ഏപ്രില് ഒന്നിലെ തീരുമാനപ്രകാരമാണ് വെളിപ്പെടുത്തൽ
ജഡ്ജിമാരുടെ വ്യക്തിഗത സ്വത്തുവിവരങ്ങള്, പങ്കാളികളുടേയും മറ്റ് ആശ്രിതരുടേയും പേരിലുള്ള ആസ്തിയുടെ വിവരങ്ങളും വെബ്സൈറ്റില് ലഭ്യമാക്കിയിട്ടുണ്ട്. ജഡ്ജിമാരുടെ സ്വത്തുവിവരങ്ങള് പരസ്യപ്പെടുത്താനുള്ള ഏപ്രില് ഒന്നിലെ തീരുമാനപ്രകാരമാണ് ഇന്നലെ(മെയ് 5) രാത്രിയോടെ വിവരങ്ങള് വെബ്സൈറ്റില് പരസ്യപ്പെടുത്തിയത്.
ജഡ്ജിമാരുടെ ആസ്തി വിവരങ്ങൾ
സുപ്രീംകോടതി ചീഫ് ജസ്റ്റിസ് സഞ്ജീവ് ഖന്ന മെയ് 13 ന് വിരമിക്കാനിരിക്കെയാണ് നടപടി. മുതിര്ന്ന അഭിഭാഷകനായിരുന്ന കെ വി വിശ്വനാഥനാണ് ജഡ്ജിമാരില് സമ്പന്നന്. 120.96 കോടി രൂപയാണ് നിക്ഷേപമാണ് കെ വി വിശ്വനാഥനുള്ളത്. ചീഫ് ജസ്റ്റിസ് സഞ്ജിവ് ഖന്നയ്ക്ക് ദക്ഷിണ ഡല്ഹിയില് മൂന്ന് കിടപ്പുമുറികളുള്ള ഡിഡിഎ ഫ്ലാറ്റുള്ളതായും 55 ലക്ഷത്തോളം രൂപ ബേങ്ക് ബാലന്സ് ഉള്ളതായും വെബ്സൈറ്റില് കാണാം. സഞ്ജിവ് ഖന്നയ്ക്ക് 2015 മോഡല് മാരുതി സ്വിഫ്റ്റ് കാര് ഉള്ളതായും പിപിഎഫില് 1,06,86,000 രൂപയുടെ നിക്ഷേപവുമുള്ളതായും വെബ്സൈറ്റില് കൃത്യമായി രേഖപ്പെടുത്തിയിട്ടുണ്ട്. ജസ്റ്റിസ് വിനോദ് ചന്ദ്രന് മ്യൂച്ചല് ഫണ്ടില് 8 ലക്ഷം നിക്ഷേപവും 6 ഏക്കര് ഭൂമിയുമുണ്ട്. .
ഈ മാസം പുതിയ ചീഫ് ജസ്റ്റിസാകാനിരിക്കുന്ന ജസ്റ്റിസ് ബി ആര് ഗവായിക്ക് മഹാരാഷ്ട്ര അമരാവതിയില് പിതാവില് നിന്ന് ലഭിച്ച സ്വത്തായ ഒരു വീടും ഡിഫന്സ് കോളനിയില് ഒരു റെസിഡന്ഷ്യല് അപ്പാര്ട്ട്മെന്റുമുണ്ട്. 659692 രൂപ, പിപിഎഫിലും 3586736 രൂപ ജിപിഎഫിലും നിക്ഷേപമായിട്ടുണ്ട്. .
