കൊച്ചി മധുര ദേശിയ പാതയിലെ എൻ.എച്ച് 85 ലെ അറ്റകുറ്റപ്പണികൾ ആരംഭിച്ചു. കക്കടാശേരിയിൽ നിന്നാണ് പണി ആരംഭിച്ചത്. അറ്റകുറ്റപ്പണികൾ പൂർത്തീകരിക്കുന്നതിനായി 75 ലക്ഷം രൂപ നാഷണൽ ഹൈവേ അതോറിറ്റി ഓഫ് ഇന്ത്യ (എൻ.എച്ച് .എ . ഐ ) നാഷണൽ ഹൈവേക്ക് കൈമാറി.
കക്കടാശ്ശേരി മുതൽ പെരുവംമുഴി വരെയുള്ള റോഡ് അറ്റകുറ്റ പണി നടത്താതെ യാത്ര ദുഷ്കരമായ സാഹചര്യത്തിലാണ് അറ്റകുറ്റ പണി ആരംഭിച്ചത്. റോഡിലെ കുഴികൾ നികത്തി ബിസി പാച്ച് വർക്കാണ് നടത്തുന്നതെന്ന് മാത്യു കുഴൽ നാടൻ എം. എൽ.എ അറിയിച്ചു.
