തിരുവനന്തപുരം: ദേശീയ പണിമുടക്കിന്റെ രണ്ടാം ദിവസം സര്ക്കാര് ഉദ്യോഗസ്ഥര് ജോലിക്ക് ഹാജരാകണമെന്ന് തിരുവനന്തപുരം കളക്ടര്. ജോലിക്കെത്തുന്ന ഉദ്യോഗസ്ഥര്ക്ക് മതിയായ സുരക്ഷ ഒരുക്കാന് കളക്ടര് നിര്ദേശം നല്കിയിട്ടുണ്ട്. പണിമുടക്കില് പങ്കെടുക്കുന്നത് നിയമ വിരുദ്ധമെന്ന് ഹൈക്കോടതി ഉത്തരവിനെത്തുടര്ന്നാണ് കളക്ടറുടെ നിര്ദേശം.
ഓഫിസുകള്ക്ക് മുന്നിലെ അനാവശ്യ ജനക്കൂട്ടം ഒഴിവാക്കാന് നടപടി സ്വീകരിക്കണമെന്നും കളക്ടര് വിവിധ വകുപ്പുകളുടെ മേധാവികള്ക്ക് നിര്ദേശം നല്കി. ജോലിക്കെത്തുന്ന ഉദ്യോഗസ്ഥര്ക്ക് മതിയായ ഗതാഗത സൗകര്യങ്ങള് ഒരുക്കാന് ആര് ടി ഒ, ഡി റ്റി ഒ എന്നിവര്ക്കും നിര്ദേശമുണ്ട്.
