ന്യൂഡല്ഹി: പഞ്ചാബ് നിയമസഭാ തിരഞ്ഞെടുപ്പില് ചരണ്ജിത് സിങ് ഛന്നിയെ മുഖ്യമന്ത്രി സ്ഥാനാര്ഥിയായി പ്രഖ്യാപിക്കാന് കോണ്ഗ്രസ് തീരുമാനം. ഇതുസംബന്ധിച്ച് ഔദ്യോഗിക പ്രഖ്യാപനം ഞായറാഴ്ച ലുധിയാനയില് നടക്കുന്ന റാലിയില് കോണ്ഗ്രസ് നേതാവ് രാഹുല് ഗാന്ധി നടത്തും. നിലവിലെ പഞ്ചാബ് മുഖ്യമന്ത്രിയാണ് ചരണ്ജിത് സിങ് ഛന്നി. പ്രവര്ത്തകര്ക്കിടയിലും സ്വകാര്യ ഏജന്സി ഉപയോഗിച്ച് പാര്ട്ടി നടത്തിയ സര്വേയുടെയും അടിസ്ഥാനത്തിലാണ് ചന്നിയെ മുഖ്യമന്ത്രി സ്ഥാനാര്ഥിയായി തീരുമാനിച്ചത്. സാധാരണ തിരഞ്ഞെടുപ്പിന് മുമ്പായി മുഖ്യമന്ത്രി സ്ഥാനാര്ഥിയെ പ്രഖ്യാപിക്കുന്ന പതിവ് കോണ്ഗ്രസിനില്ല. ജനവിധി അനുകൂലമായാല് എംഎല്എമാരുടെ യോഗം വിളിച്ച് ചേര്ത്ത് മുഖ്യമന്ത്രിയെ തീരുമാനിക്കലാണ് പതിവ് രീതി. മുഖ്യമന്ത്രി സ്ഥാനാര്ഥി ആരാവുമെന്നതിനെ ചൊല്ലി പഞ്ചാബ് കോണ്ഗ്രസില് തര്ക്കം രൂക്ഷമായിരുന്നു. ഇതിനാണ് ഇത്തവണ നേതൃത്വം മാറ്റം വരുത്തിയത്.
മുഖ്യമന്ത്രി സ്ഥാനാര്ഥി ചരണ്ജിത് സിങ് ഛന്നി തന്നെയെന്ന് കോണ്ഗ്രസ്
