കോവിഡിന്റെ രണ്ടാം തരംഗത്തിന് ശേഷം തിയേറ്ററുകള്ക്ക് പ്രദര്ശനാനുമതി ലഭിച്ച സാഹചര്യത്തില് സിനിമ മേഖലയ്ക്കും, സിനിമ പ്രേമികള്ക്കും ആവേശം നല്കി ഇന്ത്യയില് തന്നെ ആദ്യത്തെ 4×4 മഡ്റേസ് സിനിമയായ ‘മഡ്ഡി’ ഡിസംബര് 10ന് പ്രദർശനത്തിനെത്തുന്നു.
ലോകമെമ്പാടുമുള്ള ആയിരത്തിലധികം തിയേറ്റുകളിലൂടെയാണ് മഡ്ഡി പ്രേക്ഷകരിലേക്കെത്തുക. ലോകസിനിമകളിൽ പോലും അപ്പൂർവമായി മാത്രം കാണപ്പെടുന്ന മഡ്ഡ് റേസിംഗ് ആസ്പദമാക്കിയുള്ള ഒരു ആക്ഷന് ത്രില്ലറായാണ് സിനിമ ചിത്രീകരിച്ചിരിക്കുന്നത്. മലയാളം കൂടാതെ തമിഴ്, തെലുങ്ക്, കന്നഡ, ഹിന്ദി, ഇംഗ്ലീഷ് എന്നീ ഭാഷകളിലും മഡ്ഡി ദൃശ്യ വിരുന്നൊരുക്കും.
നവാഗതനായ ഡോ. പ്രഗഭലാണ് സിനിമയുടെ സംവിധായകന്. ചിത്രീകരണത്തിനുൾപ്പെടെ അഞ്ച് വർഷത്തിലധികം ചിലവിട്ടാണ് പ്രഗഭൽ മഡ്ഡി പൂർത്തിയാക്കിയത്. കെ.ജി.എഫിലൂടെ ശ്രദ്ധേയനായ രവി ബസ്റൂര് ആദ്യമായി ഒരു മലയാള ചിത്രത്തിന് സംഗീതം നല്കുന്നു എന്നത് ഈ ചിത്രത്തെ കൂടുതല് ശ്രദ്ധേയമാക്കുന്നു. രാക്ഷസന് സിനിമയിലൂടെ ശ്രദ്ധേയനായ സാന് ലോകേഷ് എഡിറ്റിങ്ങും, കെ.ജി.രതീഷ് ഛായാഗ്രഹണവും നിര്വഹിച്ചിരിക്കുന്നു. പി.കെ 7 (PK7)ബാനറില് പ്രേമ കൃഷ്ണദാസാണ് സിനിമ നിര്മ്മിക്കുന്നത്. പുതുമുഖങ്ങളായ യുവാന്, റിദ്ദാന് കൃഷ്ണ, അനുഷ സുരേഷ്, അമിത് ശിവദാസ് നായര് എന്നിവരാണ് പ്രധാന വേഷങ്ങളില് അണിനിരക്കുന്നത്. ഹരീഷ് പേരടി, ഐ.എം.വിജയന്, രണ്ജി പണിക്കര്, സുനില് സുഗത, ശോഭ മോഹന്, ഗിന്നസ് മനോജ് എന്നിവരാണ് ചിത്രത്തിലെ മറ്റ് താരങ്ങള്. വാര്ത്ത വിതരണം PR 360.
