തിരുവനന്തപുരം: മഴക്കാല രോഗങ്ങളെ കണക്കിലെടുത്ത്
സന്നദ്ധ സേനകളെ കൂടുതല് ശക്തമാക്കാന് തദ്ദേശഭരണ സ്ഥാപനങ്ങള് മുന്കൈ എടുക്കണമെന്ന് മുഖ്യമന്ത്രി പിണറായി വിജയന്. സന്നദ്ധ സേനാംഗങ്ങള്ക്ക് പ്രാഥമിക ചികിത്സ നല്കാനുള്ള പരിശീലനവും കിറ്റും നല്കണം. 20 വീടുകൾക്ക് ഒരു വളണ്ടിയർ എന്ന രീതിയിൽ ചുമതല നൽകണം, കൃത്യമായ ആശയവിനിമ നിര്ദ്ദേശങ്ങളും ഇവര്ക്ക് നല്കണമെന്നും മുഖ്യമന്ത്രി 22/05/21 ശനിയാഴ്ച നിര്ദ്ദേശിച്ചു.
പ്രളയമുണ്ടാവുകയും ക്യാന്പുകളിലേയ്ക്ക് മാറുകയും ചെയ്യുകയാണെങ്കില് ആളുകള്ക്ക് മാനസിക പിന്തുണ നല്കാന് ആവശ്യമായ സേവനങ്ങളും ഉറപ്പു വരുത്തണം. ഒറ്റയ്ക്കല്ല ഒപ്പമുണ്ട് എന്ന പദ്ധതിയുടെ ഹെല്പ് ലൈനുകള് വഴി ആ സേവനം ലഭ്യമാക്കണം. ‘ചെയിന് കോള്’ എന്ന പേരില് കോവിഡ് ബോധവല്ക്കരണവുമായി ബന്ധപ്പെട്ട് ഒരു പ്രത്യേക പരിപാടിക്ക് കുടുംബശ്രീ രൂപം നല്കിയിട്ടുണ്ട്.
