കാനഡ vs മൊറോക്കോ

ഫിഫ ലോകകപ്പ് 2026, റൗണ്ട് ഓഫ് 16 | NRG സ്റ്റേഡിയം, ഹ്യൂസ്റ്റൺ, TX
തീയതി: 2026 ജൂലൈ 4, ശനി | പ്രാദേശിക സമയം 10:00 PM PDT | ഇന്ത്യ: ജൂലൈ 5, ഞായർ 10:30 AM IST

ഫൈനൽ സ്കോർ: കാനഡ 0 – 3 മൊറോക്കോ ഒന്നാം പകുതി ചക്രം, രണ്ടാം പകുതി കിരീടം:

മൊറോക്കോ ചരിത്രം കുറിച്ചു

68,777 കാണികൾ നിറഞ്ഞ ഹ്യൂസ്റ്റണിലെ NRG സ്റ്റേഡിയത്തിൽ കോ-ഹോസ്റ്റുകളായ കാനഡയുടെ സ്വപ്നയാത്ര അവസാനിച്ചു. അവസാന 16-ൽ ആദ്യമായി കടന്ന കാനഡയെ മൊറോക്കോ 3-0ന് തോൽപ്പിച്ച് തുടർച്ചയായ രണ്ടാം ലോകകപ്പ് ക്വാർട്ടറിലേക്ക് മുന്നേറി. ആഫ്രിക്കയിൽ നിന്ന് തുടർച്ചയായി 2 തവണ ക്വാർട്ടർ കളിക്കുന്ന ആദ്യ രാജ്യം കൂടിയായി മൊറോക്കോ.

ആദ്യ 45 മിനിറ്റ്: കാനഡയുടെ ആധിപത്യം, മൊറോക്കോയുടെ അതിജീവനം
തുടക്കം മുതൽ ജെസ്സി മാർഷിന്റെ കാനഡ ആക്രമിച്ചു.15-ാം മിനിറ്റ്: താനി ഒലുവസേയി ഒറ്റയ്ക്ക് ഗോൾകീപ്പർ യാസീൻ ബൗനൂവിനെ നേരിട്ടു. ബൗനൂവിന്റെ കാലിലെ തടയൽ.

22-ാം മിനിറ്റ്: മൊറോക്കോയ്ക്ക് പ്രഹരം. ടൂർണമെന്റിൽ 3 ഗോൾ നേടിയ ഇസ്മായിൽ സൈബാരി ഹാംസ്ട്രിംഗ് പരിക്കിനെ തുടർന്ന് പുറത്ത്. പകരക്കാരൻ: സൂഫിയാൻ റഹീമി.അലിസ്റ്റെയർ ജോൺസ്റ്റൺ അൺമാർക്കഡായി ഹെഡ്ഡർ അടിച്ചെങ്കിലും മൊറോക്കൻ ഡിഫൻഡറിൽ തട്ടി.

മൊറോക്കോയുടെ ആദ്യ ഷോട്ട് 28-ാം മിനിറ്റിൽ മാത്രം. സൂഫിയാൻ റഹീമിയുടെ ലോങ്ങ് റേഞ്ച് ഷോട്ട് മാക്സിം ക്രീപ്പോ സുരക്ഷിതമായി പിടിച്ചു. 6 മഞ്ഞ കാർഡുകൾ കണ്ട പ്രതിരോധ പോരാട്ടം ആയിരുന്നു ആദ്യ പകുതി.

കാനഡ കോച്ച് ജെസ്സി മാർഷ്: “ആദ്യ പകുതിയിൽ ഏഴാം റാങ്കുള്ള മൊറോക്കോയെ ഞങ്ങൾ പൂർണമായി നിയന്ത്രിച്ചു. ഒരു ടീം മാത്രമേ പിച്ചിലുണ്ടായിരുന്നുള്ളൂ”.

രണ്ടാം പകുതി: മൊറോക്കോയുടെ മിന്നൽ മറുപടി
50-ാം മിനിറ്റ് – 1-0: അച്ച്റഫ് ഹക്കീമി അടിച്ച സെറ്റ് പീസ് എഡ്ജ് ഓഫ് ദി ബോക്സിൽ അസ്സെദിൻ ഔനാഹി ഒറ്റ ടച്ചിൽ താഴത്തെ മൂലയിലേക്ക് വലയിലാക്കി. ആദ്യത്തെ ഗോൾ.

82-ാം മിനിറ്റ് – 2-0: കാനഡ സമനിലയ്ക്ക് തിരഞ്ഞപ്പോൾ കൗണ്ടറിൽ മൊറോക്കോ തിരിച്ചടിച്ചു. വീണ്ടും ഔനാഹി. ബോക്സിന് പുറത്ത് നിന്ന് പവർഫുൾ കർലർ. ഇതോടെ ഔനാഹി ഈ ലോകപ്പിലെ രണ്ടാം ഇരട്ട ഗോൾ തികച്ചു.

90+8-ാം മിനിറ്റ് – 3-0: ബ്രാഹിം ഡിയാസ് നൽകിയ പാസ് സൂഫിയാൻ റഹീമി താഴത്തെ വലത് മൂലയിലേക്ക് കുത്തി. മത്സരത്തിന്റെ അവസാന കിക്ക്. മികവ് പുലർത്തിയവർ
അസ്സെദിൻ ഔനാഹി – മൊറോക്കോ: 50′, 82′ ഇരട്ട ഗോൾ. പുതിയ സിസ്റ്റത്തിൽ അറ്റാക്കിൽ ഉയർന്നു കളിച്ചതാണ് ഇതിന് കാരണം എന്ന് കോച്ച് മുഹമ്മദ് ഔഹ്ബി.  ഫുട്ബോൾ, ഫിഫ ലോകകപ്പ് 2026, പ്രീക്വാർട്ടർ, കാനഡക്കെതിരെ മൊറോക്കോ, ഹൂസ്റ്റൺ സ്റ്റേഡിയം, ഹൂസ്റ്റൺ, ടെക്സാസ്, അമേരിക്ക, 2026 ജൂലൈ 4: ലോകകപ്പിന്റെ ക്വാർട്ടർ ഫൈനലിലേക്ക് യോഗ്യത നേടിയതിന് ശേഷം മൊറോക്കോ താരങ്ങൾ വിജയാഘോഷത്തിൽ.

യാസീൻ ബൗനൂ – മൊറോക്കോ: ആദ്യ പകുതിയിൽ ഒലുവസേയിയുടെ ഷോട്ട് തടുത്തു. താജോൺ ബുക്കാനന്റെ ലോങ്ങ് റേഞ്ച് ഷോട്ടും തടഞ്ഞു.

അച്ച്റഫ് ഹക്കീമി – മൊറോക്കോ: ആദ്യ ഗോളിന് അസിസ്റ്റ്.

മാക്സിം ക്രീപ്പോ – കാനഡ: 10 സേവുകൾ എടുത്തെങ്കിലും ഫലമുണ്ടായില്ല. കാനഡ 10 ഷോട്ട് അടിച്ചു, മൊറോക്കോ 5.

കണക്കുകളുടെ ഭാഷ

കാനഡ മൊറോക്കോ

ഗോൾ 0 3,

ഷോട്ട്സ് 10, 5,

പൊസഷൻ 44%  56%

പാസ് കൃത്യത78%  85%

കോർണറുകൾ 11, 00

മഞ്ഞ കാർഡ് 4, 4

മൊറോക്കോ 4 ഷോട്ട് ഓൺ ടാർഗറ്റിൽ 3 ഗോൾ നേടി. ക്ലിനിക്കൽ ഫിനിഷിങ്.

പിന്നാലെ  മൊറോക്കോ ക്വാർട്ടറിൽ  ഫ്രാൻസ് vs പരാഗ്വേ വിജയിയെ നേരിടും.

കാനഡ ലോകപ്പിൽ ആദ്യ പോയിന്റ്, ആദ്യ ജയം, ആദ്യ നോക്കൗട്ട് എന്നീ റെക്കോർഡുകൾ എഴുതി പുറത്തായി.

“ഞങ്ങൾ കുറച്ച് വളഞ്ഞു, പക്ഷേ ഒടിഞ്ഞില്ല. അവസരങ്ങൾ നഷ്ടപ്പെടുത്തിയാൽ വില കൊടുക്കേണ്ടിവരും” –  ജെസ്സി മാർഷ്

റഫറി: ഒലിവർ M, ഇംഗ്ലണ്ട്.