ഹോ ചി മിൻ നഗരം, 2026 ജൂൺ 24

ഇന്ത്യൻ നാവികസേനയുടെ കിഴക്കൻ കപ്പൽപ്പടയിലെ ഉദയഗിരി, കാവരത്തി എന്നീ യുദ്ധക്കപ്പലുകൾ 2026 ജൂൺ 22ന് വിയറ്റ്നാമിലെ ഹോ ചി മിൻ നഗരത്തിലെ നാ റോങ് തുറമുഖത്ത് എത്തി. തെക്കുകിഴക്കൻ ഏഷ്യൻ മേഖലയിലെ പ്രവർത്തന വിന്യാസത്തിന്റെ ഭാഗമായാണ് കപ്പലുകൾ എത്തിയത്. ഉദയഗിരി ഒരു സ്റ്റെൽത്ത് ഫ്രിഗറ്റും കാവരത്തി അന്തർവാഹിനി വിരുദ്ധ യുദ്ധക്കപ്പലുമാണ്.

കിഴക്കൻ കപ്പൽപ്പടയുടെ കമാൻഡർ അലോക് ആനന്ദയുടെ നേതൃത്വത്തിലാണ് കപ്പലുകൾ എത്തിയത്. വിയറ്റ്നാം ജനകീയ നാവികസേനാംഗങ്ങളും ഹോ ചി മിൻ നഗര ജനകീയ സമിതി പ്രതിനിധികളും തുറമുഖ അധികൃതരും ചേർന്ന് ഔപചാരിക സ്വീകരണം നൽകി. ഇന്ത്യയും വിയറ്റ്നാമും തമ്മിലുള്ള ദീർഘകാല നാവിക ബന്ധവും വളരുന്ന സമുദ്ര സഹകരണവുമാണ് ഈ സ്വീകരണത്തിൽ പ്രതിഫലിച്ചതെന്ന് അറിയിച്ചിട്ടുണ്ട്. സന്ദർശനത്തിനിടെ ഇരുരാജ്യങ്ങളുടെയും നാവികസേനകൾ തമ്മിൽ പ്രൊഫഷണൽ ആശയവിനിമയങ്ങൾ, പരസ്പര സന്ദർശനങ്ങൾ, കായിക പരിപാടികൾ, സമൂഹസേവന പ്രവർത്തനങ്ങൾ എന്നിവ നടക്കും. മുതിർന്ന നേതൃത്വതല ചർച്ചകളും നിശ്ചയിച്ചിട്ടുണ്ട്.

2026 മെയ് മാസത്തിൽ ഇന്ത്യ-വിയറ്റ്നാം ബന്ധം മെച്ചപ്പെടുത്തിയ സമഗ്ര തന്ത്രപര പങ്കാളിത്ത തലത്തിലേക്ക് ഉയർത്തിയതിന് ശേഷമുള്ള ഇന്ത്യയുടെ ആദ്യ പ്രധാന നാവിക സാന്നിധ്യമാണ് ഈ വിന്യാസം. ഇതിലൂടെ ഇരു രാജ്യങ്ങളുടെയും നാവിക സഹകരണം കൂടുതൽ ശക്തിപ്പെടുമെന്നാണ് പ്രതീക്ഷ.