തിരുവനന്തപുരം | രാജ്ഭവനില് ഭാരതാംബ ചിത്രം വെച്ച സംഭവത്തിൽ ഗവര്ണറുടെയും രാജ്ഭവന്റെയും സമീപനത്തിന് എതിരാണ് പാര്ട്ടി നിലപാടെന്ന് സിപിഎം സംസ്ഥാന സെക്രട്ടറി എം വി ഗോവിന്ദന്. വിവാദത്തില് മന്ത്രി പ്രസാദിന്റെ നിലപാടിനെ എംവി ഗോവിന്ദന്. പ്രശംസിക്കുകയും ചെയ്തു
പരിസ്ഥിതി ദിനാചരണ വേദിയില് ഭാരതാംബയുടെ ചിത്രംവെച്ചതിനെ തുടര്ന്ന് കൃഷിമന്ത്രി പി പ്രസാദ് ചടങ്ങ് ബഹിഷ്കരിച്ചിരുന്നു.
.കഴിഞ്ഞ ദിവസം രാജ്ഭവനിലെ പരിസ്ഥിതി ദിനാചരണ വേദിയില് ഭാരതാംബയുടെ ചിത്രംവെച്ചതിനെ തുടര്ന്ന് കൃഷിമന്ത്രി പി പ്രസാദ് ചടങ്ങ് ബഹിഷ്കരിച്ചിരുന്നു. പരിസ്ഥിതി ദിനാചരണം സര്ക്കാര് പരിപാടി ആയതിനാല് ചിത്രം മാറ്റണമെന്ന കൃഷിവകുപ്പ് ആവശ്യപ്പെട്ടെങ്കിലും ഗവര്ണര് വഴങ്ങിയില്ല. ഇതോടെ പരിപാടി മന്ത്രി ബഹിഷ്കരിക്കുകയായിരുന്നു.
വര്ഗീയവത്കരണത്തിന്റെ ഉപകരണമായി ഗവര്ണര്മാരെ ഉപയോഗിക്കുന്നു.
ബിജെപി വിരുദ്ധ സര്ക്കാരുകളുള്ള എല്ലാ സംസ്ഥാനങ്ങളിലും വര്ഗീയവത്കരണത്തിന്റെ ഉപകരണമായി ഗവര്ണര്മാരെ ഉപയോഗിച്ചു കൊണ്ടിരിക്കുകയാണ്. ഗവര്ണറുടെ ആസ്ഥാനമായ രാജ്ഭവന് നിയമസഭ പോലെ, സെക്രട്ടേറിയേറ്റ് പോലെ ഒരു പൊതു ഇടമാണ്. അത്തരമൊരു പൊതു ഇടത്തില് വര്ഗീയത പ്രചരിപ്പിക്കുന്നതിനുവേണ്ടി ഉപയോഗിക്കുന്ന ഒരു അടയാളവും ഔദ്യോഗിക അടയാളംപോലെ ഉപയോഗിക്കാന് പാടില്ല. അത് അസംബന്ധമാണെന്നു എം വി ഗോവിന്ദന് വ്യക്തമാക്കി.
