റോം | ചികിത്സയില് കഴിയുന്ന ഫ്രാന്സിസ് മാര്പാപ്പയുടെ ആരോഗ്യനില ഗുരുതരമായി തുടരുന്നു. കടുത്ത ശ്വാസതടസവും കഫക്കെട്ടും അനുഭവപ്പെട്ടതിനെ തുടര്ന്നാണ് ആരോഗ്യനില വഷളായത്. രണ്ട് തവണ ശ്വാസതടസം ഉണ്ടായതിനെ തുടര്ന്ന് അദ്ദേഹത്തിന് കൃത്രിമശ്വാസം നല്കുന്നതായി വത്തിക്കാന് അറിയിച്ചു.
17 ദിവസമായി റോമിലെ ജെമെല്ലി ആശുപത്രിയിലാണ് മാര്പാപ്പ
കഴിഞ്ഞ ദിവസങ്ങളില് ആരോഗ്യനിലയില് പുരോഗതിയുണ്ടായതായി ആശുപത്രി അധികൃതര് അറിയിച്ചിരുന്നു.ഇതിനിടെയാണ് വീണ്ടും ശ്വാസ തടസം മൂർച്ഛിച്ചത്. ശ്വാസകോശത്തില് കടുത്ത അണുബാധയുണ്ടായതിനെ തുടര്ന്നാണ് അദ്ദേഹത്തെ വെന്റിലേറ്ററില് പ്രവേശിപ്പിച്ചത്. 17 ദിവസമായി റോമിലെ ജെമെല്ലി ആശുപത്രിയിലാണ് മാര്പാപ്പ ചികിത്സയില് കഴിയുന്നത്..
