ഒക്ടോബര് 2 മുതല് 8 വരെ നടക്കുന്ന വന്യജീവി വാരാഘോഷത്തോട് അനുബന്ധിച്ച് സംസ്ഥാനത്തെ എല്ലാ ദേശീയ ഉദ്യാനങ്ങളിലും കടുവ സംരക്ഷണ കേന്ദ്രങ്ങളിലും വിവിധ വന്യജീവി സങ്കേതങ്ങളിലും പൊതു ജനങ്ങള്ക്ക് പ്രവേശനം സൗജന്യം ആയിരിക്കുമെന്ന് വനം മന്ത്രി എ കെ ശശീന്ദ്രന് അറിയിച്ചു.
വാരാഘോഷത്തോട് അനുബന്ധിച്ച് നടക്കുന്ന മത്സര പരിപാടികളില് വിജയിക്കുന്നവര്ക്ക് ഒക്ടോബര് 8 മുതല് ഒരു വര്ഷക്കാലത്തേക്ക് എല്ലാ സംരക്ഷണ പ്രദേശങ്ങളിലും പ്രവേശനം സൗജന്യമാക്കിയിട്ട് ഉണ്ടെന്നും മന്ത്രി അറിയിച്ചു.
മ്യൂസിയം മൃഗശാലാ വകുപ്പിന്റെ വന്യജീവി വാരാഘോഷത്തിന്റെ ഭാഗമായി ഒക്ടോബര് 2 മുതല് 8 വരെ സ്കൂള്, കോളജ് വിദ്യാര്ഥികള്ക്ക് തിരുവനന്തപുരം മൃഗശാലയില് സൗജന്യ പ്രവേശനം നൽകും.
