മുംബൈ: മധ്യ പടിഞ്ഞാറന് ബംഗാള് ഉള്ക്കടലിനും വടക്കുപടിഞ്ഞാറന് ബംഗാള് ഉള്ക്കടലിനും മുകളിലായി രൂപപ്പെട്ട ന്യൂനമര്ദം ശക്തി പ്രാപിച്ചു. അടുത്ത 24 മണിക്കൂറിനുള്ളില് വീണ്ടും തീവ്രന്യൂനമര്ദമായി ശക്തിപ്രാപിക്കുമെന്നും കേന്ദ്ര കാലാവസ്ഥാ വകുപ്പ് അറിയിച്ചു.
ന്യൂനമര്ദം വടക്കന് ആന്ധ്രാപ്രദേശ്- തെക്കന് ഒഡിഷ തീരത്തേക്കു നീങ്ങാന് സാധ്യതയുണ്ട്. വടക്കുപടിഞ്ഞാറന് മധ്യപ്രദേശിന് മുകളില് ചക്രവാതച്ചുഴി സ്ഥിതിചെയ്യുന്നുണ്ട്. കച്ചിന് മുകളില് മറ്റൊരു ചക്രവാതച്ചുഴിയും നിലനില്ക്കുന്നുണ്ട്. കേരളത്തില് ജൂലൈ 27 വരെ വ്യാപകമായ മഴയ്ക്കും ഒറ്റപ്പെട്ട സ്ഥലങ്ങളില് ശക്തമായ മഴയ്ക്കും സാധ്യതയുണ്ടെന്നും കേന്ദ്ര കാലാവസ്ഥവകുപ്പ് അറിയിച്ചു.
