ഡെറാഡൂണ്: ഉത്തരാഖണ്ഡില് ട്രാന്സ്ഫോര്മര് പൊട്ടിത്തെറിച്ച് അപകടം. ചമോലി നഗരത്തിലെ മലിനജല ശുദ്ധീകരണ പ്ലാന്റിന് സമീപത്തെ ട്രാന്സ്ഫോര്മര് പൊട്ടിത്തെറിച്ച് 15 പേര് മരിച്ചു. അളകനന്ദ നദിക്ക് സമീപമായിരുന്നു അപകടം.നിരവധി പേര്ക്ക് ഗുരുതരമായി പൊള്ളലേറ്റിട്ടുണ്ടെന്നാണ് വിവരം. മരിച്ചവരില് ഒരു പോലീസുകാരനും മൂന്ന് ഹോം ഗാര്ഡുകളും ഉള്പ്പെടുന്നു. എന്നാല് മരണസംഖ്യ ഉയര്ന്നേക്കുമെന്ന് ആശങ്കയുണ്ട്. പരിക്കേറ്റവരെ ജില്ലാ ആശുപത്രിയില് പ്രവേശിപ്പിച്ചതായി ചമോലി എസ്പി പര്മേന്ദ്ര ഡോവല് അറിയിച്ചു. അപകടത്തില് മുഖ്യമന്ത്രി പുഷ്കര് സിംഗ് ജുഡീഷ്യല് അന്വേഷണത്തിന് ഉത്തരവിട്ടിട്ടുണ്ട്. സംഭവത്തില് രക്ഷാപ്രവര്ത്തനം പുരോഗമിക്കുകയാണ്.
ഉത്തരാഖണ്ഡില് ട്രാന്സ്ഫോര്മര് പൊട്ടിത്തെറിച്ച് അപകടം;15 മരണം
