ന്യൂഡല്ഹി: തക്കാളി വിലക്കയറ്റം നിയന്ത്രിക്കാന് ഇടപെടലുമായി കേന്ദ്ര സര്ക്കാര്. വിലക്കയറ്റം മൂലം സാധാരണക്കാര്ക്കുണ്ടാകുന്ന ദുരിതം തീര്ക്കാനുള്ള നടപടികളുമായി ബുധനാഴ്ചയാണ് കേന്ദ്ര ഉപഭോക്തൃകാര്യ മന്ത്രാലയം രംഗത്തെത്തിയത്. നാഫെഡും എന്സിസിഎഫും പോലെയുള്ള സഹകരണ സ്ഥാപനങ്ങളോട് തക്കാളി സംഭരിക്കാന് മന്ത്രാലയം നിര്ദേശിച്ചു.ആന്ധ്രാപ്രദേശ്, കര്ണാടക, മഹാരാഷ്ട്ര എന്നീ സംസ്ഥാനങ്ങളിലെ ഉത്പാദന മേഖലകളില് നിന്ന് തക്കാളി സംഭരിച്ച് പ്രധാന വിപണന കേന്ദ്രങ്ങളില് നേരിട്ടെത്തിച്ച് വിലക്കയറ്റം പിടിച്ചുനിര്ത്താമെന്നാണ് കണക്കുകൂട്ടല്. സംഭരിക്കുന്ന തക്കാളി ഡല്ഹി ഉള്പ്പെടെയുള്ള പ്രദശങ്ങളില് കുറഞ്ഞ വിലയില് വിറ്റഴിക്കുമെന്നും പറയുന്നു. വിതരണം ചെയ്യേണ്ട പ്രദേശങ്ങള് പ്രത്യേക മാനദണ്ഡം നിശ്ചയിച്ച് കണ്ടെത്തും.നാഷണല് അഗ്രികള്ച്ചറല് കോഓപ്പറേറ്റീവ് മാര്ക്കറ്റിങ് ഫെഡറേഷന്, നാഷണല് കോഓപ്പറേറ്റീവ് കണ്സ്യൂമര് ഫെഡറേഷന് എന്നിവയാണ് തക്കാളി സംഭരണത്തിന് ചുമതലപ്പെടുത്തിയിരിക്കുന്നത്.
തക്കാളി വിലക്കയറ്റം നിയന്ത്രിക്കാന് ഇടപെടലുമായി കേന്ദ്ര സര്ക്കാര്
