എ ആര് റഹ്മാനാണ് സംഗീതം നല്കിയിരിക്കുന്ന
വരാനിരിക്കുന്ന തമിഴ് ചിത്രമായ മാമന്നനിലെ ആദ്യ സിംഗിള് റിലീസ് ചെയ്തു.
റിലീസ് തീയതി ഇതുവരെ വെളിപ്പെടുത്തിയിട്ടില്ലെങ്കിലും ജൂണില് റിലീസ് ചെയ്യാനാണ് അണിയറപ്രവര്ത്തകര് പദ്ധതിയിടുന്നത്. ഉദയനിധിയുടെ റെഡ് ജയന്റ് മൂവീസാണ് ചിത്രത്തിന് പിന്നില്. ഛായാഗ്രാഹകന് തേനി ഈശ്വര്, എഡിറ്റര് സെല്വ, ഗാനരചയിതാവ് യുഗഭാരതി, ഡാന്സ് കൊറിയോഗ്രാഫര് സാന്ഡി എന്നിവരാണ് സാങ്കേതിക സംഘത്തിലുള്ളത്.
പരിയേറും പെരുമാള്, കര്ണന് എന്നീ ചിത്രങ്ങള്ക്ക് ശേഷം മാരി സെല്വരാജ് തിരക്കഥയെഴുതി സംവിധാനം ചെയ്യുന്ന ചിത്രമാണ് മാമന്നന്. വരാനിരിക്കുന്ന ഫീച്ചറില് ഉദയനിധി സ്റ്റാലിന്, കീര്ത്തി സുരേഷ്, വടിവേലു, ഫഹദ് ഫാസില് എന്നിവര് പ്രധാന കഥാപാത്രങ്ങളെ അവതരിപ്പിക്കുന്നു. പൂര്ണ്ണ രാഷ്ട്രീയ ജീവിതം ആരംഭിക്കുന്നതിന് മുമ്ബ് നടനെന്ന നിലയില് ഉദയനിധിയുടെ അവസാന ചിത്രമാണിത്.
