കോഴിക്കോട്: കോഴിക്കോട് നഗരത്തിൽ വൻ തീപിടുത്തം ആനി ഹാൾ റോഡിലുള്ള ജയലക്ഷ്മി സിൽക്സിൻറെ കെട്ടിടത്തിലാണ് തീപിടുത്തം ഉണ്ടായത്. 2023 ഏപ്രിൽ 1-ന് രാവിലെ ആറ് മണിയോടെയാണ് സംഭവം. തീപിടിത്തത്തിൽ പാർക്കിംഗ് ഏരിയയിലെ കാറുകൾ കത്തിനശിച്ചു തീയണയ്ക്കാൻ ശ്രമം തുടരുകയാണ്.
കെട്ടിടത്തിന് താഴെ നിർത്തിയിട്ടിരുന്ന കാറിലാണ് ആദ്യം തീ കണ്ടത്. പിന്നീട് കെട്ടിടത്തിന്റെ രണ്ടാം നിലയിലും പുക കണ്ടു. പെട്ടെന്ന് തീ അണയ്ക്കാനുള്ള ശ്രമങ്ങൾ നടത്തുകയായിരുന്നുവെന്ന് ദൃക്സാക്ഷികൾ പറയുന്നു. അഗ്നിരക്ഷാസേനയുടെ നേതൃത്വത്തിൽ തീയണയ്ക്കാനുള്ള ശ്രമം തുടരുകയാണ്. 7 യൂണിറ്റ് ഫയർ ഫോഴ്സ് സ്ഥലത്തെത്തിയിട്ടുണ്ട്
