ശബരിമല തീര്ഥാടനവുമായി ബന്ധപ്പെട്ട് പരിസ്ഥിതി പ്രശ്നങ്ങളെക്കുറിച്ച് നല്കിയ റിപ്പോര്ട്ടിലെ ശിപാര്ശകളിന്മേല് വിവിധ വകുപ്പുകള് സ്വീകരിച്ച നടപടികള് പരിശോധിച്ച് വിലയിരുത്തുന്നതിനായി നവംബര് 23ന് ഉച്ചയ്ക്ക് 12ന് പമ്പ ദേവസ്വം ഗസ്റ്റ് ഹൗസ് കോണ്ഫറന്സ് ഹാളില് കേരള നിയമസഭയുടെ പരിസ്ഥിതി സംബന്ധിച്ച സമിതി യോഗം ചേരും. ജില്ലാതല ഉദ്യോഗസ്ഥര്, പരിസ്ഥിതി പ്രവര്ത്തകര്, സംഘടനകള്, പൊതുജനങ്ങള് എന്നിവരില് നിന്നും സമിതി വിവരശേഖരണം നടത്തുകയും ശബരിമല സന്നിധാനം സന്ദര്ശിക്കുകയും ചെയ്യും.
നിയമസഭ പരിസ്ഥിതി സമിതി സന്ദര്ശനം 23ന്
