മാനന്തവാടി: സംസ്ഥാനത്ത് ആഫ്രിക്കൻ പനി സ്ഥിരീകരിച്ചു. മാനന്തവാടിയിലെ ഫാമിൽ ആണ് രോഗബാധ സ്ഥിരീകരിച്ചത്. ഭോപ്പാലിൽ അയച്ച സാമ്പിളിലാണ് രോഗബാധ സ്ഥിരീകരിച്ചത്. ഫാമിലെ പന്നികൾ കൂട്ടത്തോടെ ചത്തിരുന്നു. തുടർന്ന് സാമ്പിളുകൾ പരിശോധനയ്ക്ക് അയക്കുകയായിരുന്നു. രോഗം സ്ഥിരീകരിച്ച ഫാമിലെ മുഴുവൻ പന്നികളെയും കൊന്നൊടുക്കാനാണ് നിലവിലെ തീരുമാനം. മനുഷ്യരിലേക്ക് പകരുന്ന വൈറസ് അല്ല ഇതെന്നും എന്നാൽ ജാഗ്രത വേണം എന്നും ആരോഗ്യവകുപ്പ് വ്യക്തമാക്കി. രോഗം സ്ഥിരീകരിച്ചതോടെ ചെക്ക്പോസ്റ്റുകളിൽ കർശന പരിശോധന ഏർപ്പെടുത്തി. നേരത്തെ തന്നെ അന്യസംസ്ഥാനങ്ങളിൽ നിന്ന് പന്നികളെയും പന്നിയിറച്ചിയും കൊണ്ടുവരുന്നതിന് വിലക്കേർപ്പെടുത്തിയിരുന്നു.
സംസ്ഥാനത്തെ ആഫ്രിക്കൻ പന്നിപ്പനി സ്ഥിരീകരിച്ചു
