പൃഥ്വിരാജ് പ്രൊഡക്ഷന്‍സിന്റെ ബാനറില്‍ സുപ്രിയ മേനോന്‍ നിര്‍മ്മിച്ച്
ജിനു വി എബ്രഹാം തിരക്കഥയെഴുതി ഷാജി കൈലാസ് സംവിധാനം ചെയ്ത മലയാളം ആക്ഷന്‍ ചിത്രമാണ് “കടുവ”.ജൂണ്‍ 30ന് റിലീസ് ചെയ്യാനിരുന്ന ഈ ചിത്രത്തിന്റെ റിലീസ് ജൂലൈ ഏഴിലേക്ക് മാറ്റി.ഇപ്പോഴിതാ സിനിമയുടെ പുതുയ പോസ്റ്റര്‍ റിലീസ് ചെയ്തു.
തൊണ്ണൂറുകളുടെ അവസാനത്തില്‍ മടക്കയം സ്വദേശിയായ റബ്ബര്‍ തോട്ടക്കാരനായ യുവാവിന്റെ ജീവിതവും കേരളാ പോലീസിലെ ഒരു ഉന്നത ഉദ്യോഗസ്ഥനുമായുള്ള മത്സരത്തിന്റെയും കഥ പറയുന്ന ഈ ചിത്രത്തിൽ പൃഥ്വിരാജ് സുകുമാരന്‍, വിവേക് ഒബ്‌റോയ്, സംയുക്ത മേനോന്‍, വിദ്ധി വിശാല്‍, സീമ, സായികുമാര്‍, ജനാര്‍ദനന്‍, പ്രിയങ്ക നായര്‍, രാഹുല്‍ മാധവ്, സുദേവ് നായര്‍, ബൈജു സന്തോഷ്, കലാഭവന്‍ ഷാജോണ്‍, അലന്‍സിയര്‍ ലേ ലോപ്പസ്, സച്ചിന്‍ ഖ്ഹെഡെ എന്നിവര്‍ പ്രധാന കഥാപാത്രങ്ങളെ അവതരിപ്പിക്കുന്നു.
ഛായാഗ്രഹണം: അഭിനന്ദന്‍ രാമാനുജം, എഡിറ്റിംഗ്: ഷമീര്‍ മുഹമ്മദ്, സംഗീതം, ബിജിഎം: ജേക്സ് ബിജോയ്, വരികള്‍: സന്തോഷ് വര്‍മ്മ & ജിയോ പോള്‍, കല: മോഹന്‍ദാസ്, മേക്കപ്പ്: സജി കാട്ടാക്കട, വസ്ത്രാലങ്കാരം: സ്റ്റെഫി സേവ്യര്‍, പി.ആര്‍.ഒ: മഞ്ജു ഗോപിനാഥ് , വിതരണം ലിസ്റ്റിന്‍ സ്റ്റീഫൻ എന്നിവർ നിർവ്വഹിക്കുന്നു.
