ഡൽഹി: കർഷകർക്ക് പ്രാദേശികഭാഷകളിൽ ഹ്രസ്വ സന്ദേശ സേവനം (എസ്.എം.എസ്) വഴി സൗജന്യമായി പ്രാദേശിക ഇടത്തരം കാലാവസ്ഥാ പ്രവചനങ്ങൾ അയയ്ക്കുന്നതിനുള്ള തന്ത്രം വികസിപ്പിക്കാൻ ഒരുങ്ങി ഇന്ത്യൻ കാലാവസ്ഥാ വകുപ്പ്. കാറ്റിന്റെ വേഗത, മഴ, താപനില, ഈർപ്പം എന്നിവയുൾപ്പെടെ അടുത്ത 5 ദിവസത്തേക്ക് അവരുടെ ഗ്രാമത്തിന്റെയോ, ബ്ലോക്കിന്റെയോ കാലാവസ്ഥ വിവരങ്ങൾ ലഭ്യമാകും. ഇത് ലഭിക്കുന്നതിന് രാജ്യത്തിന്റെ വിവിധ ഭാഗങ്ങളിൽ നിന്നുള്ള കർഷകർക്ക് ഒരു പ്രത്യേക ഹോട്ട് ലൈനിലേക്ക് വിളിക്കാം.
പ്രാദേശിക കാലാവസ്ഥ പ്രവർത്തനങ്ങളെക്കുറിച്ചുള്ള വിവരങ്ങൾ അഭ്യര്ത്ഥി ക്കുന്നതിനും ഇതേ ഫോൺ നമ്പർ ഉപയോഗിക്കാവുന്നതാണ്. ആവശ്യാനുസരണം പ്രാദേശികതലത്തിൽ ഉള്ള കാലാവസ്ഥ സംഭവങ്ങളെക്കുറിച്ചുള്ള ഇഷ്ടാനുസൃത വിവരങ്ങൾ, വളം, മറ്റ് ഇൻപുട്ട് ഉപയോഗം, ജലസേചനം തുടങ്ങിയ കാർഷിക പ്രവർത്തനങ്ങൾ ആസൂത്രണം ചെയ്യുന്നതിന് കർഷകരെ സഹായിക്കുമെന്ന് ഭൗമശാസ്ത്ര മന്ത്രാലയo സെക്രട്ടറി എം രവിചന്ദ്രൻ പറഞ്ഞു.
