ന്യൂഡല്ഹി: സര്ക്കാര് ഉടമസ്ഥതയിലായിരുന്ന എയര് ഇന്ത്യ വിമാന കമ്പനി ടാറ്റാ സണ്സിന് കൈമാറുന്ന നടപടി അന്തിമഘട്ടത്തില്. നടപടിക്രമങ്ങള് പൂര്ത്തിയാക്കി ടാറ്റ സണ്സ് വ്യാഴാഴ്ച വിമാനക്കമ്പനി ഏറ്റെടുക്കും. കഴിഞ്ഞ ഒക്ടോബറില് എയര് ഇന്ത്യയുടെ ലേല നടപടികളില് 18,000 കോടി രൂപയുടെ ടെന്ഡര് സമര്പ്പിച്ചാണ് ടാറ്റ ഒന്നാമതെത്തിയത്. എയര് ഇന്ത്യ എക്പ്രസിനൊപ്പം എയര് ഇന്ത്യയുടെ 100ശതമാനം ഓഹരികളും ഗ്രൗണ്ട് ഹാന്ഡ്ലിങ് കമ്പനിയായ എയര് ഇന്ത്യാ സ്റ്റാറ്റ്സിന്റെ 50ശതമാനം ഓഹരികളുമാണ് ടാറ്റയ്ക്ക് ലഭിക്കുക. ഉടമസ്ഥാവകാശം കൈമാറിക്കഴിഞ്ഞാല് എയര് ഇന്ത്യ, എയര് ഇന്ത്യാ എക്സ്പ്രസ്, വിസ്താര എന്നീ മൂന്ന് എയര്ലൈനുകള് ടാറ്റയുടെ സ്വന്തമാകും.
എയര് ഇന്ത്യ വിമാന കമ്പനി ടാറ്റാ സണ്സിന് കൈമാറുന്ന നടപടി അന്തിമഘട്ടത്തില്
