തിരുവനന്തപുരം: കോണ്ഗ്രസിലെ പ്രശ്നങ്ങള് കെ.പി.സി.സി പ്രസിഡന്റ് കെ.സുധാകരന് ചര്ച്ചയിലൂടെ പരിഹരിക്കുമെന്ന് രമേശ് ചെന്നിത്തല. വി.എം. സുധീരന് രാഷ്ട്രീയ കാര്യ സമിതിയില് ഉണ്ടാകേണ്ടത് അനിവാര്യമാണെന്നും അദ്ദേഹം പറഞ്ഞു.
എല്ലാ ആളുകളെയും കൂട്ടിയോജിപ്പിച്ച് മുന്നോട്ട് കൊണ്ടുപോകുന്ന പ്രവര്ത്തന ശൈലി സ്വീകരിക്കണമെന്നും പാര്ട്ടി ഒറ്റക്കെട്ടായി പ്രവര്ത്തിക്കേണ്ട സാഹചര്യമാണ് ഉള്ളതെന്നും ചെന്നിത്തല പറഞ്ഞു.
ചര്ച്ചകളില് പോരായ്മകള് ഉണ്ടെങ്കില് പരിഹരിച്ച് മുന്നോട്ട് പോകാന് തയ്യാറാണെന്ന് കെ.സുധാകരന് പറഞ്ഞിട്ടുണ്ടെന്നും ചെന്നിത്തല പറഞ്ഞു. കഴിഞ്ഞ ദിവസമാണ് വി.എം. സുധീരന് രാഷ്ട്രീയകാര്യ സമിതിയില് നിന്ന് രാജി വെച്ചത്.
ശാരീരിക അസ്വസ്ഥതകളുണ്ടെന്നാണ് സുധാകരനെ ഫോണില് വിളിച്ച് സുധീരന് അറിയിച്ചിരിക്കുന്നത്. കെ.പി.സി.സിയിലെ ഏറ്റവും ഉന്നത സ്ഥാനങ്ങളില് ഒന്നാണ് രാഷ്ട്രീയകാര്യ സമിതി.
കെ.പി.സി.സിയിലെ ഉന്നതധികാര സമിതിയായിട്ടും രാഷ്ട്രീയകാര്യ സമിതി വിളിക്കുന്നില്ലെന്നും ചര്ച്ച ചെയ്യുന്നില്ലെന്നും സുധീരന് അടക്കമുള്ളവര് പരാതി പറഞ്ഞിരുന്നു.
