ന്യൂഡല്ഹി: സുനന്ദ പുഷ്കറിന്റെ ദുരൂഹ മരണവുമായി ബന്ധപ്പെട്ട കേസില് ശശി തരൂര് കുറ്റവിമുക്തന്. തരൂരിനെതിരായ ആത്മഹത്യാപ്രേരണക്കുറ്റം തെളിയിക്കാന് പ്രോസിക്യൂഷന് സാധിച്ചില്ലെന്ന് സല്ഹി റോസ് അവന്യൂ കോടതി 18/08/21 ബുധനാഴ്ച പറഞ്ഞു.
ശശി തരൂരിനെതിരെ കൊലക്കുറ്റം ചുമത്തിയില്ലെങ്കില് ആത്മഹത്യാപ്രേരണ, ഗാര്ഹികപീഡന കുറ്റങ്ങള് ചുമത്തണമെന്ന് പബ്ലിക് പ്രോസിക്യൂട്ടര് അതുല് ശ്രീവാസ്തവ നേരത്തെ വാദിച്ചിരുന്നു. എന്നാല് സുനന്ദ ആത്മഹത്യ ചെയ്യുമെന്ന് കരുതുന്നില്ലെന്നാണ് സഹോദരന് ആശിഷ് ദാസ് കോടതിയില് നല്കിയ മൊഴി.
മരണത്തില് തരൂരിന് പങ്കില്ലെന്ന് സുനന്ദയുടെ മകന് ശിവ് മേനോനും വ്യക്തമാക്കിയിരുന്നു. നേരത്തെ കേസില് മൂന്ന് തവണ വിധി പറയുന്നതിനായി തീയതി നിശ്ചയിച്ചിരുന്നുവെങ്കിലും പിന്നീട് മാറ്റിവെയ്ക്കുകയായിരുന്നു.
സുനന്ദയുടെ കുടുംബവും സുഹൃത്തുക്കളും അവര് ആത്മഹത്യ ചെയ്യില്ലെന്ന വാദത്തില് ഉറച്ചുനില്ക്കുമ്പോള് ആത്മഹത്യാ പ്രേരണ കുറ്റം എങ്ങനെ ചുമത്താനാകുമെന്ന് തരൂരിന്റെ അഭിഭാഷകന് അഡ്വ. വികാസ് പഹ്വ വാദിച്ചു. സുനന്ദയുടെ മരണം ആത്മഹത്യയാണെന്ന് തെളിയിക്കാന് പ്രോസിക്യൂഷന് ഇതുവരെ സാധിച്ചിട്ടില്ല. 2014 ജനുവരിയിലാണ് സുനന്ദ പുഷ്കര് മരിച്ചത്.
