ദില്ലി: ടോക്കിയോ ഒളിംപിക്സില് പങ്കെടുത്ത കായികതാരങ്ങളെ സ്വാതന്ത്ര്യ ദിനാഘോഷ ചടങ്ങിലേക്ക് അതിഥികളായി ക്ഷണിച്ച് പ്രധാനമന്ത്രി നരേന്ദ്ര മോദി. ചെങ്കോട്ടയില് നടക്കുന്ന ചടങ്ങുകളിലേക്ക് വിശിഷ്ടാതിഥികളായാണ് ക്ഷണം. ഇതിനൊപ്പം വസതിയില് വച്ച് പ്രധാനമന്ത്രി താരങ്ങളുമായി കൂടിക്കാഴ്ച നടത്തുമെന്നും വാര്ത്താ ഏജന്സിയായ എഎന്ഐ 03/08/2021 ചൊവ്വാഴ്ച റിപ്പോര്ട്ട് ചെയ്തു.
ചരിത്രത്തിലെ ഏറ്റവും വലിയ സംഘമാണ് ഇന്ത്യയില് നിന്ന് ഇക്കുറി ഒളിംപിക്സില് പങ്കെടുത്തത്. ടോക്കിയോ ഒളിംപിക്സില് മൂന്ന് മെഡല് ഇതുവരെ ഇന്ത്യ ഉറപ്പാക്കി. ഭാരോദ്വഹനത്തില് മീരബായ് ചനു വെള്ളി നേടിയപ്പോള് ബാഡ്മിന്റണില് പി വി സിന്ധു വെങ്കലം നേടി. ബോക്സിംഗില് മെഡലുറപ്പിച്ച ലൊവ്ലിന ബോര്ഗോഹെയ്നാണ് മറ്റൊരു താരം.
