എറണാകുളം: കളമശ്ശേരി ഗവ.മെഡിക്കൽ കോളേജിനുള്ള 25 ഓക്സിജൻ കോൺസെൻട്രേറ്ററുകൾ ഹിൻഡാൽകോ ഇൻഡസ്ട്രീസ് ലിമിറ്റഡ് വ്യവസായ – നിയമ വകുപ്പ് മന്ത്രി പി രാജീവിന് കൈമാറി. ഹിൻഡാൽകോ ഇൻഡസ്ട്രീസ് ലിമിറ്റഡ് ഓപ്പറേഷൻസ് സീനിയർ പ്രസിഡന്റ് ബി അരുൺകുമാറാണ് മന്ത്രിക്കു ഉപകാരണങ്ങൾ കൈമാറിയത്.
ആദിത്യ ബിർള ഗ്രൂപ്പിന്റെ ഏലൂരിലെ ഹിൻഡാൽകോ ഇൻഡസ്ട്രീസ് സാമൂഹ്യപ്രതിബദ്ധത ഫണ്ട് ഉപയോഗിച്ച് വിദേശത്തു നിന്നും ഇറക്കുമതി ചെയ്ത ആധുനിക ഓക്സിജൻ കോൺസെൻട്രേറ്ററുകളാണ് മെഡിക്കൽ കോളേജിന് നൽകിയത്. മെഡിക്കൽ കോളേജ് അഡ്മിനിസ്ട്രേറ്റീവ് ബ്ലോക്കിൽ നടന്ന ചടങ്ങിൽ ജില്ലാ കളക്ടർ എസ് സുഹാസ്, ഹിൻഡാൽകോ ഇൻഡസ്ട്രീസ് ലിമിറ്റഡ് എഛ് ആർ ഹെഡ് പി വി മനോജ്, അലൂമിനിയം ഫാക്ടറീസ് വർക്കേഴ്സ് യൂണിയൻ പ്രസിഡന്റ് കെ എൻ ഗോപിനാഥ്, സെക്രട്ടറി അഡ്വ മുജീബ് റഹ്മാൻ, ഏലൂർ നഗരസഭാ അധ്യക്ഷൻ എ ഡി സുജിൽ, മെഡിക്കൽ കോളേജ് പ്രിൻസിപ്പൽ ഡോ ഫത്താഹുദ്ധീൻ, സൂപ്രണ്ട് ഡോ ഗീത നായർ, ആർ എം ഒ ഡോ ഗണേഷ് മോഹൻ എന്നിവർ സന്നിഹിതരായിരുന്നു.
