പയ്യന്നൂർ: എന്ഡിഎയുടെ റോഡ് ഷോയ്ക്കിടെ ഗര്ഭിണിയെ ആശുപത്രിയിലേക്ക് കൊണ്ട് പോയ വാഹനം തല്ലി തകര്ത്ത സംഭവത്തില് രണ്ട് ബിജെപി പ്രവര്ത്തകരെ അറസ്റ്റ് ചെയ്തു. കണ്ണപുരം സ്വദേശി ശ്രീരണ് ദീപ്(36), പാപ്പിനിശ്ശേരിയിലെ ദീപക് (28) എന്നിവരെയാണ് 31/03/21ബുധനാഴ്ച പയ്യന്നൂർ പൊലീസ് അറസ്റ്റ് ചെയ്തത്.
മാര്ച്ച് 29 ന് വൈകിട്ട് ആറ് മണിയോടടുത്തായിരുന്നു വാഹനം തകര്ത്ത സംഭവം നടക്കുന്നത്. പയ്യന്നൂര് എടാട്ടില് താമസിക്കുന്ന 29 കാരിയായ ഗര്ഭിണിയെയും കൊണ്ടുപോകുന്ന വാഹനത്തിന് നേരെയായിരുന്നു ആക്രമണം. ബിജെപി കല്യാശ്ശേരി മണ്ഡലത്തിലെ റോഡ് ഷോയില് പങ്കെടുത്ത പ്രവര്ത്തകരാണ് വാഹനം ആക്രമിച്ചത്. ബൈക്കുകളിലെത്തിയ പ്രവര്ത്തകരാണ് ആക്രമണം നടത്തിയത്. ഇരുപതോളം പേര് ചേര്ന്ന് കാര് തല്ലിത്തകര്ക്കുകയായിരുന്നു.
