അമൃത്സർ: രാജ്യത്തിൻ്റെ സ്വാതന്ത്ര്യത്തിനു വേണ്ടി ജീവൻ ബലിയർപ്പിച്ച ഒരു വിപ്ലവകാരി ഒളിവിൽ കഴിഞ്ഞ കെട്ടിടം രാജ്യത്തിൻ്റെയാകെ സ്വത്താണ് ,നിധി പോലെ കാത്തു വയ്ക്കേണ്ടതാണത്, എന്നാൽ ആരാലും സംരക്ഷിക്കപ്പെടാതെ ഇടിഞ്ഞു വീഴാറായ അത്തരത്തിലൊരു കെട്ടിടം പഞ്ചാബിലുണ്ട് , ധീര രക്തസാക്ഷി ഭഗത് സിംഗും അദ്ദേഹത്തിൻ്റെ സംഘടനയിലെ മറ്റു പ്രവർത്തകരും ഒളിവിൽ കഴിഞ്ഞ ഒരു കെട്ടിടം. മാർച്ച് 23 , ഭഗത്സിംഗ് രക്തസാക്ഷി ദിനമാണ്
‘സംരക്ഷിത സ്മാരകം’ എന്ന് പ്രഖ്യാപിച്ചിട്ട് 2020 ഡിസംബറിലേക്ക് ആറുവർഷമായിക്കഴിഞ്ഞു, എന്നാൽ ഇതിഹാസ വിപ്ലവകാരിയായ ഭഗത് സിങ്ങിന്റെ നേതൃത്വത്തിലുള്ള ക്രാന്റികാരി പാർട്ടിയുടെ ഒളിത്താവളമായി പ്രവർത്തിച്ച ഇരട്ട നില കെട്ടിടത്തിന്റെ വികസനത്തിനും സംരക്ഷണത്തിനുമായി യാതൊരുവിധ ശ്രമങ്ങളും നടത്താൻ പഞ്ചാബ് സർക്കാർ ശ്രമിച്ചിട്ടേയില്ല.
നാട്ടുകാരുടെ നീണ്ട നിയമപോരാട്ടത്തിനുശേഷം സംസ്ഥാന ടൂറിസം – സാംസ്കാരിക വകുപ്പ് 2015 ഡിസംബർ 17 ന് കെട്ടിടത്തെ ‘സംരക്ഷിത സ്മാരകമായി’ പ്രഖ്യാപിച്ചിരുന്നു. എന്നാൽ ,അതിനുശേഷം കെട്ടിടം ഏറ്റെടുക്കാൻ ഒരു നടപടിയും സർക്കാർ സ്വീകരിച്ചില്ല.
നിലവിൽ ഈ കെട്ടിടം കൃഷ്ണ ഭക്തി സത്സംഗ് ട്രസ്റ്റിന്റെ നിയന്ത്രണത്തിലാണ്.
തൻ്റെ മുത്തച്ഛനായ ലാഹോരി രാം ശാസ്ത്രി ഭഗത് സിങ്ങിനെ ഇവിടെ നിരവധി തവണ സന്ദർശിച്ചിട്ടുണ്ടെന്ന് ട്രസ്റ്റികളിൽ ഒരാളായ നന്ദ കിഷോർ ശർമ പറഞ്ഞു.
“കെട്ടിടത്തിൽ ഒരു മ്യൂസിയം നിർമ്മിക്കുന്നതിന് ഞാൻ എന്തും ചെയ്യാൻ തയ്യാറാണ്,” അദ്ദേഹം പറഞ്ഞു. ഘടനയിൽ മാറ്റം വരുത്തുകയോ പരിസരം വിൽക്കുകയോ ചെയ്യരുതെന്ന് ജില്ലാ ഭരണകൂടം നേരത്തെ ജീവനക്കാർക്ക് നോട്ടീസ് നൽകിയിരുന്നു.
2016 ൽ അന്നത്തെ ഡെപ്യൂട്ടി കമ്മീഷണർ ഡി പി എസ് ഖർബന്ദ താഴത്തെ നിലയിലെ കടയും ഒന്നാം നില കൈവശമുള്ള കുടുംബത്തെയും മറ്റൊരു സ്ഥലത്തേക്ക് മാറ്റാനുള്ള നിർദ്ദേശം തയ്യാറാക്കിയിരുന്നു, ഇതിനായി ഒരു കരാറും തയ്യാറാക്കിയിരുന്നു. എന്നിരുന്നാലും, കാര്യം ഇപ്പോഴും കുടുങ്ങിക്കിടക്കുകയാണ്.
മൂന്ന് വർഷം മുമ്പ് സ്ഥലം സന്ദർശിച്ചപ്പോൾ മുൻ ടൂറിസം സാംസ്കാരിക മന്ത്രി നവജോത് സിദ്ധു കെട്ടിടത്തിന്റെ നവീകരണത്തിന് 15 ലക്ഷം രൂപ നൽകാമെന്ന് വാഗ്ദാനം നൽകിയിരുന്നു. എന്നാൽ അതും ഉണ്ടായില്ല..
