ന്യൂഡൽഹി: ഒരു കോടി രൂപ കൈക്കൂലി വാങ്ങിയെന്ന കേസിൽ ഇന്ത്യൻ റെയിൽവേ എഞ്ചിനീയറിംഗ് സർവീസിലെ മുതിർന്ന ഉദ്യോഗസ്ഥനെ സിബിഐ അറസ്റ്റ് ചെയ്തു. 17/01/21 ഞായറാഴ്ച രാജ്യത്തൊട്ടാകെയുള്ള 20 സ്ഥലങ്ങളിൽ സിബിഐ തിരച്ചിൽ നടത്തി.
നോർത്ത് ഈസ്റ്റ് ഫ്രോണ്ടിയർ റെയിൽവേയുടെ (എൻഎഫ്ആർ) പദ്ധതികളുടെ കരാറുകൾ അനുവദിക്കുന്നതിന് കൈക്കൂലി വാങ്ങിയെന്ന് ആരോപിച്ച് 1985 ബാച്ച് ഐആർഇഎസ് ഉദ്യോഗസ്ഥനായ മഹേന്ദർ സിംഗ് ചൗഹാനെയാണ് അറസ്റ്റു ചെയ്തിരിക്കുന്നത്.
ആസാമിലെ മാലിഗാവിലെ എൻഎഫ്ആർ ആസ്ഥാനത്താണ് ഉദ്യോഗസ്ഥനെ നിയമിച്ചിരുന്നത്. കൈക്കൂലി പണം ഏജൻസി കണ്ടെടുത്തിട്ടുണ്ട്.
