ക്വാലാലംപുര്‍: കോവിഡ് വ്യാപനം തടയാന്‍ മലേഷ്യയില്‍ അടിയന്തരാവസ്ഥ
പ്രഖ്യാപിച്ചു. മലേഷ്യന്‍ രാജാവ് അല്‍-സുല്‍ത്താന്‍ അബ്ലുള്ളയാണ് ഒരു മാസത്തെ അടിയന്തരാവസ്ഥ പ്രഖ്യാപിച്ചത്. രാജ്യത്തുടനീളം ഇത് ബാധകമാണ്. കോവിഡ് വ്യാപനം കുറഞ്ഞില്ലെങ്കിൽ അടിയന്തരാവസ്ഥ നീട്ടിയേക്കും. പ്രഖ്യാപനത്തോടെ
മലേഷ്യയിലെ പാര്‍ലമെന്‍റിനെയും രാഷ്ട്രീയ പ്രവര്‍ത്തനത്തെയും താല്‍ക്കാലികമായി നിരോധിച്ചിട്ടുണ്ട്.
പ്രധാനമന്ത്രി മുഹയ്ദ്ദീന്‍ യാസിൻ രാജാവിനോട് അടിയന്തരാവസ്ഥ പ്രഖ്യാപിക്കണമെന്ന് ആവശ്യപ്പെടുകയായിരുന്നു. മലേഷ്യയിൽ സർക്കാർ പ്രതിസന്ധി നേരിടുന്ന സാഹചര്യത്തിൽ സര്‍ക്കാരിനെ അധികാരത്തില്‍ നിലനിര്‍ത്തുന്നതിനാണ് അടിയന്തരാവസ്ഥ പ്രഖ്യാപിച്ചതെന്ന് വിമര്‍ശകര്‍ ആരോപിക്കുന്നു.
