ന്യൂഡല്ഹി: ഏകോപന സമിതി നേതാക്കളെയും ചർച്ചയിൽ പങ്കെടുപ്പിക്കണമെന്ന കർഷകരുടെ ആവശ്യം സർക്കാർ അംഗീകരിച്ചു. കര്ഷകരുമായി കൂടിക്കാഴ്ച്ച നടത്താന് കേന്ദ്രം വിളിച്ച യോഗത്തില് കര്ഷക സംഘടനകള് പങ്കെടുക്കാന് തീരുമാനമായി. കര്ഷക നേതാവായ ബല്ജീത് സിംഗ് മഹല് ആണ് ഇക്കാര്യം വ്യക്തമാക്കിയത്. വിഗ്യാന് സഭയില് വെച്ചാണ് യോഗം ചേരുന്നത്. കര്ഷകരുടെ പ്രതിനിധികളാണ് ചര്ച്ചയില് പങ്കെടുക്കുക. എന്നാൽ കേന്ദ്ര സർക്കാർ പിന്നീട് അയയുകയായിരുന്നു. കര്ഷക പ്രതിനിധികളായ 32 പേരും ഏകോപന സമിതിയുടെ മൂന്ന് പേരുമടക്കം 35 പേരാണ് ചര്ച്ചയില് പങ്കെടുക്കുന്നത്. ഇവര് ചര്ച്ചയ്ക്കായി സിംഗു അതിര്ത്തിയില് നിന്നും പുറപ്പെട്ടു.
കേന്ദ്ര മന്ത്രി രാജ്നാഥ് സിംഗിന്റെയും കാര്ഷിക മന്ത്രി നരേന്ദ്ര തോമറിന്റെയും നേതൃത്വത്തിലാണ് ചര്ച്ച നടക്കുക. നേരത്തെ കേന്ദ്രം വിളിച്ച ചര്ച്ചയില് 32 പേരെ മാത്രം പങ്കെടുപ്പിക്കുന്നതിനെ അംഗീകരിക്കാന് കഴിയില്ലെന്ന് കര്ഷക പ്രതിനിധികള് അറിയിച്ചിരുന്നു. 500 ല് അധികം സംഘങ്ങളുള്ളപ്പോള് വെറും 32 സംഘങ്ങളെ മാത്രം ചര്ച്ചയ്ക്ക് വിളിച്ചത് ശരിയായ നടപടിയല്ലെന്നാണ് കര്ഷകര് ആദ്യം പ്രതികരിച്ചിരുന്നത്.
