തിരുവനന്തപുരം: സംസ്ഥാനത്ത് കൊവിഡ് കേസുകള് ക്രമാതീതമായി ഉയരുന്ന സാഹചര്യത്തില് മുഖ്യമന്ത്രി പിണറായി വിജയന് സര്വ്വകക്ഷി യോഗം വിളിച്ചു. 29-9-2020 ചൊവ്വാഴ്ച വൈകിട്ട് നാല് മണിക്കാണ് യോഗം ചേരുക. ജില്ലാ കളക്ടര്മാര്, ജില്ലാ പൊലീസ് മേധാവികള്, ഡി.ജി.പി, ആരോഗ്യവിദഗ്ധര് തുടങ്ങിയവര് സര്വകക്ഷി യോഗത്തില് പങ്കെടുക്കും.
കഴിഞ്ഞ ദിവസങ്ങളില് സംസ്ഥാനത്ത് പ്രതിദിന രോഗബാധ 7000 ത്തിന് മുകളിലാണ്. ഇതേ തുടർന്നാണ് യോഗം വിളിച്ചു ചേർക്കുന്നത്. യോഗത്തിൽ കൊവിഡ് രൂക്ഷമായ സാഹചര്യത്തില് സ്വീകരിക്കേണ്ട നിയന്ത്രണ നടപടികള് ചര്ച്ച ചെയ്യും. സര്ക്കാര് ലോക്ക്ഡൗണ് ഏര്പ്പെടുത്തിയാല് സഹകരിക്കുമെന്ന് പ്രതിപക്ഷ നേതാവ് രമേശ് ചെന്നിത്തല അറിയിച്ചു.
അതീവ ജാഗ്രത പുലര്ത്തേണ്ട സാഹചര്യമാണുള്ളതെന്നും മരണസംഖ്യ ഉയരാമെന്നും ആരോഗ്യമന്ത്രി മുന്നറിയിപ്പ് നല്കിയിരുന്നു.
