ന്യൂഡല്ഹി: പ്രതിരോധ നവീകരണത്തിനായി 90,048 കോടി രൂപ അനുവദിച്ചു. കേന്ദ്ര പ്രതിരോധ സഹമന്ത്രി ശ്രീപദ് നായിക് രാജ്യ സഭയില് എഴുതി നല്കിയ പ്രസ്താവനയിലാണ് ഇക്കാര്യം അറിയിച്ചത്. കഴിഞ്ഞ വര്ഷത്തെ വിഹിതത്തില് നിന്ന് 9,000 കോടി രൂപയുടെ വര്ധനവാണ് ഇത്തവണ ഉണ്ടായത്. നിലവിലെ പ്രതിരോധ ആയുധങ്ങളുടെ നവീകരണം, പുതിയ ഉപകരണങ്ങള് വാങ്ങല് തുടങ്ങിയവയ്ക്കായാണ് കേന്ദ്രത്തിന്റെ തുക വിനിയോഗിക്കുക.
അനുവദിച്ച ആകെ തുക പ്രതിരോധ സേവന എസ്റ്റിമേറ്റിന്റെ 27.87 ശതമാനമാണ്.അംഗീകൃത മൂലധന ഏറ്റെടുക്കല് പദ്ധതി പ്രകാരം നിലവിലുള്ള പ്രതിരോധ സംഭരണ നടപടിക്രമങ്ങള്ക്കനുസൃതമായി നവീകരണ പദ്ധതികള് പുരോഗമിക്കുകയാണെന്ന് പ്രതിരോധ മന്ത്രി ശ്രീപാദ് നായിക് രാജ്യസഭയില് എഴുതി നല്കിയ പ്രസ്താവനയില് പറയുന്നു.രാജ്യസഭാ എംപിമാരായ പി ഭട്ടാചാര്യ, വിജയ് പാല് സിംഗ് തോമര് എന്നിവരുടെ ചോദ്യങ്ങള്ക്കാണ് മന്ത്രി മറുപടി നല്കിയത്
