വെബ്സൈറ്റുകളില് വില്പനയ്ക്ക് വയ്ക്കുന്ന സാധനങ്ങള് ഏത് രാജ്യത്ത് നിന്ന് വരുന്നവയെന്നുള്ള വിവരം ഇ കൊമേഴ്സ് കമ്പനികള് രേഖപ്പെടുത്തണം എന്നത് അടക്കമുള്ള ചട്ടങ്ങള് കര്ശനമാക്കി കേന്ദ്രസര്ക്കാരിന്റെ പുതിയ ഉത്തരവ്. കസ്റ്റമര് പ്രൊട്ടക്ഷന് റൂള്സ് 2020 ലാണ് പുതിയ നിര്ദേശം. ഇന്ത്യയിലോ വിദേശത്തോ രജിസ്റ്റര് ചെയ്തിട്ടുള്ളതും എന്നാല് ഇന്ത്യന് ഉപഭോക്താക്കള്ക്ക് സാധനങ്ങളും സേവനങ്ങളും നല്കുന്ന ഇ കൊമേഴ്സ് കമ്പനികള്ക്കും പുതിയ നിയമങ്ങള് ബാധകമാകും. നിയമം ലംഘിച്ചാല് 2019 ലെ കണ്സ്യൂമര് പ്രൊട്ടക്ഷന് ആക്ട് പ്രകാരം കേസ് രജിസ്റ്റര് ചെയ്യും. പുതിയ നിയമങ്ങള് അനുസരിച്ച്, ഇ കൊമേഴ്സ് കമ്പനികള് വില്പനയ്ക്ക് വയ്ക്കുന്ന സാധനങ്ങളുടെ മൊത്തം വിലയും മറ്റ് ചാര്ജുകളും പ്രത്യേകം പ്രദര്ശിപ്പിക്കണം.
മറ്റ് നിര്ദേശങ്ങള്
1 സാധനങ്ങളുടെ എക്സ്പെയറി ഡെയ്റ്റ്. ആളുകള്ക്ക് സാധനങ്ങള് വാങ്ങുന്നതിനു മുന്പ് തന്നെ ഇത്തരത്തിലുള്ള എല്ലാ വിവരങ്ങളും ലഭ്യമാക്കണം.
2 സാധനങ്ങളുടെ റിട്ടേണ്, റീഫണ്ട്, എക്സ്ചേഞ്ച്, വാറന്റി, ഗ്യാരന്റി ഡെലിവറി ആന്ഡ് ഷിപ്മെന്റ് അടക്കമുള്ള വിവരങ്ങളും ഉപഭോക്താവിന് നല്കണം.
3 വില്പ്പനയ്ക്കായി വയ്ക്കുന്ന ചരക്കുകളുടെയും സേവനങ്ങളുടെയും മൊത്തം വിലയും മറ്റ് ചാര്ജുകളും പ്രദര്ശിപ്പിക്കേണ്ടതുണ്ട്.
4 ഇ-കൊമേഴ്സ് സ്ഥാപനങ്ങളില് ലഭ്യമായ പേയ്മെന്റ് രീതികള്, ആ പേയ്മെന്റ് രീതികളുടെ സുരക്ഷ, ഉപയോക്താക്കള് നല്കേണ്ട ഏതെങ്കിലും ഫീസ് അല്ലെങ്കില് ചാര്ജുകള്, മറ്റ് പേയ്മെന്റ് സേവന ദാതാവിന്റെ കോണ്ടാക്റ്റ് വിവരങ്ങള് എന്നിവ സംബന്ധിച്ച വിവരങ്ങള് നല്കേണ്ടതുണ്ട്.
5 വില്പ്പനക്കാരുടെ വിലാസം, ഉപഭോക്തൃ പരിപാലന നമ്പര്, അത്തരം വില്പ്പനക്കാരനെക്കുറിച്ചുള്ള റേറ്റിംഗ് അല്ലെങ്കില് ഫീഡ്ബാക്ക് എന്നിവയും അവര് പ്രദര്ശിപ്പിക്കണം.
6 സമര്പ്പിച്ച ഓരോ പരാതിക്കും അവര് ഒരു ടോക്കണ് നമ്പര് നല്കേണ്ടതുണ്ട്, അതിലൂടെ ഉപഭോക്താവിന് പരാതിയുടെ തദ്സ്ഥിതി അറിയാന് കഴിയണം
