പത്തനംതിട്ട മാര്ച്ച് 11: കോവിഡ് 19 വൈറസ് ബാധ സംശയത്തെ തുടര്ന്ന് പത്തനംതിട്ട ജനറല് ആശുപത്രിയിലുള്ള രണ്ടുവയസുകാരിയുടേതടക്കം 24 പേരുടെ പരിശോധനാ ഫലം ഇന്ന് ലഭിക്കും. ജില്ലയില് കൂടുതല് ആളുകളിലേക്ക് രോഗം പകരാന് സാധ്യതയുണ്ടെന്നാണ് ആരോഗ്യവകുപ്പിന്റെ നിഗമനം. ഇതിന്റെ ഭാഗമായി 100 കിടക്കകളുള്ള ഐസൊലേഷന് വാര്ഡ് സജ്ജമാക്കുന്നതിനുള്ള സ്ഥലം ജില്ലാ ഭരണകൂടം തിരഞ്ഞുകൊണ്ടിരിക്കുകയാണ്.
കോവിഡ് 19 വൈറസ് ബാധയെ തുടര്ന്ന് പത്തനംതിട്ട ജില്ലയില് വിവിധ സ്ഥലങ്ങളില് ജനങ്ങള് ഭീതിയിലാണ്. കടകള് അടഞ്ഞു കിടക്കുന്നു. ബസ് സര്വ്വീസുകള് കുറഞ്ഞു. മൂന്ന് പേര്ക്ക് കോവിഡ് 19 വൈറസ് ബാധ സ്ഥിരീകരിച്ച എറണാകുളത്ത് പ്രതിരോധ നടപടികള് ശക്തമാക്കി. കളമശ്ശേരി മെഡിക്കല് കോളേജില് 23 പേരാണ് ഐസൊലേഷന് വാര്ഡിലുള്ളത്.
