ഭോപ്പാല് മാര്ച്ച് 10: കോണ്ഗ്രസ് വിമത നേതാവ് ജ്യോതിരാദിത്യ സിന്ധ്യ ബിജെപിയിലേക്കെന്ന് ദേശീയ മാധ്യമം റിപ്പോര്ട്ട് ചെയ്തു. വിമത എംഎല്എമാരുമായി സിന്ധ്യ ബിജെപിയില് ചേര്ന്നേക്കുമെന്നാണ് റിപ്പോര്ട്ട്. പ്രധാനമന്ത്രി നരേന്ദ്രമോദിയുമായി സിന്ധ്യ കഴിഞ്ഞ ദിവസം രാത്രി കൂടിക്കാഴ്ച നടത്തി. മധ്യപ്രദേശില് പ്രതിസന്ധി ഉടലെടുത്തതിന്ശേഷം കേന്ദ്ര ആഭ്യന്തരമന്ത്രി അമിത് ഷാ ഡല്ഹിയില് പാര്ട്ടി നേതാക്കളുടെ അടിയന്തര യോഗം ചേര്ന്നിരുന്നു.
സിന്ധ്യയെ ബന്ധപ്പെടാനാകുന്നില്ലെന്ന് മുതിര്ന്ന കോണ്ഗ്രസ് നേതാവ് ദിഗ് വിജയ് സിംഗ് പറഞ്ഞു. കോണ്ഗ്രസിന്റേത് ആഭ്യന്തര പ്രശ്നമാണെന്നും എംഎല്എമാരെ റാഞ്ചാന് ബിജെപി ശ്രമിക്കുന്നില്ലെന്ന് ബിജെപി നേതാവ് ശിവരാജ് സിംഗ് ചൗഹാന് പറഞ്ഞു.
