തിരുവനന്തപുരം ഫെബ്രുവരി 20: അനധികൃത സ്വത്ത് സമ്പാദന കേസില് മുന് മന്ത്രി വി എസ് ശിവകുമാറിന്റെ വീട്ടില് വിജിലന്സ് റെയ്ഡ്. കേസില് പ്രതിയായ മറ്റ് മൂന്നുപേരുടെ വീടുകളിലും റെയ്ഡ് നടക്കുകയാണ്. വിജിലന്സ് പ്രത്യേക സെല് ഡിവൈ എസ് പി വി എസ് അജിയുടെ നേതൃത്വത്തിലാണ് റെയ്ഡ് നടക്കുന്നത്.
കഴിഞ്ഞ ദിവസം അനധികൃത സ്വത്ത് സമ്പാദന കേസില് ശിവകുമാറിനെ ഒന്നാം പ്രതിയാക്കി വിജിലന്സ് സ്പെഷ്യല് സെല് എഫ്ഐആര് സമര്പ്പിച്ചിരുന്നു. ശിവകുമാറിന്റെ പേഴ്സണല് സ്റ്റാഫ് അംഗങ്ങളായിരുന്ന എം രാജേന്ദ്രന്, ഷൈജു ഹരന്, എന് എസ് ഹരികുമാര് എന്നിവരാണ് കേസിലെ മറ്റ് പ്രതികള്. അഴിമതി നിരോധന നിയമപ്രകാരം ശിവകുമാറിനെതിരെ കേസെടുത്ത് അന്വേഷണം നടത്താന് വിജിലന്സിന് സര്ക്കാര് അനുമതി നല്കിയിരുന്നു.
