തിരുവനന്തപുരം ഫെബ്രുവരി 12: കാലാവധി കഴിഞ്ഞ ഡ്രൈവിങ് ലൈസന്സ് പുതുക്കാന് വാഹനം ഓടിച്ച് കാണിക്കേണ്ട. മാര്ച്ച് 31 വരെയാണ് ഇളവ്. സംസ്ഥാന സര്ക്കാരിന്റെ അഭ്യര്ത്ഥനയെ തുടര്ന്ന് കേന്ദ്രം ഇളവ് പ്രഖ്യാപിച്ചു.
കേന്ദ്ര നിയമഭേദഗതിയെ തുടര്ന്ന് ഒക്ടോബര് മുതല് ലൈസന്സ് പുതുക്കുന്നതിനുള്ള വ്യവസ്ഥകള് കര്ശനമാക്കിയിരുന്നു. ലൈസന്സ് കാലാവധി കഴിഞ്ഞ് ഒരു വര്ഷത്തിനുള്ളില് അപേക്ഷ നല്കിയാല് മാത്രമേ പിഴ നല്കി പുതുക്കാന് കഴിയുകയൂള്ളൂ. ഒരു വര്ഷം കഴിഞ്ഞാല് റോഡ് ടെസ്റ്റ് നടത്തണം. അഞ്ചുവര്ഷം കഴിഞ്ഞാല് ലേണേഴ്സ്, എട്ട് അഥവാ എച്ച്, റോഡ് ടെസ്റ്റ് എന്നിവ വീണ്ടും പാസാകണം എന്നതായിരുന്നു വ്യവസ്ഥകള്. പ്രവാസികള് ഏറെയുള്ള സംസ്ഥാനത്ത് നിര്ദ്ദേശം പെട്ടെന്ന് നടപ്പാക്കുക ബുദ്ധിമുട്ടാണെന്ന് ഗതാഗതമന്ത്രി എ കെ ശശീന്ദ്രന് കേന്ദ്രമന്ത്രി നിതിന് ഗഡ്കരിക്ക് കത്തെഴുതിയിരുന്നു.
