ഇന്ത്യയും ഫ്രാൻസും ചേർന്ന് ഇരുപതിനായിരത്തി മുപ്പതിലേക്കുള്ള ഇന്നവേഷൻ റോഡ്മാപ്പ് പ്രഖ്യാപിച്ചു. കൃത്രിമ ബുദ്ധി, ഗവേഷണം, സാങ്കേതികവിദ്യ, ആരോഗ്യം, വിദ്യാഭ്യാസം, ജനങ്ങൾ തമ്മിലുള്ള ബന്ധം തുടങ്ങി വിവിധ മേഖലകളിൽ സഹകരണം ശക്തമാക്കാനാണ് തീരുമാനം. ഫെബ്രുവരി പതിനേഴിന് പ്രധാനമന്ത്രി നരേന്ദ്ര മോദിയും ഫ്രാൻസ് പ്രസിഡന്റ് ഇമ്മാനുവൽ മാക്രോണും ചേർന്ന് പ്രത്യേക ആഗോള തന്ത്രപ്രധാന പങ്കാളിത്തം പ്രഖ്യാപിച്ചതിന് പിന്നാലെയാണ് പുതിയ റോഡ്മാപ്പ് അവതരിപ്പിച്ചത്.

വിശ്വസനീയമായ കൃത്രിമ ബുദ്ധി സംവിധാനങ്ങൾ വികസിപ്പിക്കൽ, കുട്ടികളുടെ ഓൺലൈൻ സുരക്ഷ ഉറപ്പാക്കൽ, സ്വകാര്യത സംരക്ഷിക്കുന്ന വിവരപങ്കിടൽ സംവിധാനങ്ങൾ രൂപപ്പെടുത്തൽ എന്നിവയിൽ ഇരുരാജ്യങ്ങളും ഒരുമിച്ച് പ്രവർത്തിക്കും. അക്കാദമിക് കൈമാറ്റം വർധിപ്പിക്കാനും വിദ്യാർഥികൾക്കും ഗവേഷകർക്കും കൂടുതൽ അവസരങ്ങൾ ഒരുക്കാനും തീരുമാനമായി. വ്യവസായം, സർവകലാശാലകൾ, ഗവേഷണ സ്ഥാപനങ്ങൾ, നവസംരംഭങ്ങൾ എന്നിവ തമ്മിലുള്ള ബന്ധം ശക്തിപ്പെടുത്താനും ധാരണയായി. കാൺപൂരിൽ വ്യോമയാന പരിശീലന ക്യാമ്പസ് സ്ഥാപിക്കുമെന്നും പ്രഖ്യാപിച്ചിട്ടുണ്ട്.

ഇന്ത്യയുടെ വികസിത ഭാരത ലക്ഷ്യവും ഫ്രാൻസിന്റെ ഇരുപതിനായിരത്തി മുപ്പത് ലക്ഷ്യവും തമ്മിലുള്ള പൊരുത്തമാണ് ഈ നീക്കത്തിന് അടിസ്ഥാനം. സാമ്പത്തിക വളർച്ച, സുസ്ഥിര വികസനം, സാങ്കേതിക സ്വയംപര്യാപ്തത എന്നിവ മുന്നോട്ട് കൊണ്ടുപോകാൻ ഇന്നവേഷൻ പ്രധാന ഘടകമാണെന്ന് ഇരുരാജ്യങ്ങളും വിലയിരുത്തുന്നു. ആരോഗ്യരംഗത്തെ ഗവേഷണത്തിനും കൃത്രിമ ബുദ്ധി അധിഷ്ഠിത പരിഹാരങ്ങൾക്കും സഹകരണം വർധിപ്പിക്കാനും നിരവധി വിദ്യാഭ്യാസ-ഗവേഷണ സ്ഥാപനങ്ങൾ തമ്മിൽ പുതിയ കരാറുകൾക്കും വഴിയൊരുങ്ങിയിട്ടുണ്ട്.