പരവൂർ, 2026 ജൂൺ 13 –
തമിഴ്നാട്ടിലെ തിരുനെൽവേലി ജംഗ്ഷൻ റെയിൽവേ സ്റ്റേഷനിൽ നടക്കുന്ന പ്രധാന യാർഡ് നവീകരണ ജോലികളുടെ ഭാഗമായി ഈ റൂട്ടിലെ ട്രെയിൻ സർവീസുകൾക്ക് റെയിൽവേ താത്കാലിക നിയന്ത്രണങ്ങൾ ഏർപ്പെടുത്തി. ചില ട്രെയിനുകൾ ഭാഗികമായി റദ്ദാക്കുകയും ചില സർവീസുകളുടെ സമയക്രമത്തിൽ മാറ്റം വരുത്തുകയും ചെയ്തിട്ടുണ്ട്.
നാഗർകോവിൽ – കോയമ്പത്തൂർ എക്സ്പ്രസ് (16321) നാളെ നാഗർകോവിലിൽ നിന്ന് പുറപ്പെടേണ്ട സർവീസ് നാഗർകോവിലും ഡിണ്ടിഗലും ഇടയിൽ ഭാഗികമായി റദ്ദാക്കി. ഈ ട്രെയിൻ അന്നേദിവസം ഡിണ്ടിഗലിൽ നിന്നായിരിക്കും സർവീസ് ആരംഭിക്കുക.
തിരുച്ചിറപ്പള്ളി – തിരുവനന്തപുരം സെൻട്രൽ സൂപ്പർഫാസ്റ്റ് എക്സ്പ്രസ് (22627) ജൂൺ 15, 16, 17, 18, 19 തീയതികളിൽ സമയമാറ്റത്തോടെ സർവീസ് നടത്തും. രാവിലെ 7.15ന് തിരുച്ചിറപ്പള്ളിയിൽ നിന്ന് പുറപ്പെടേണ്ട ട്രെയിൻ ഒരു മണിക്കൂർ 15 മിനിറ്റ് വൈകി രാവിലെ 8.30ന് സർവീസ് ആരംഭിക്കും. യാത്രക്കാർ പുതുക്കിയ സമയക്രമം പരിശോധിച്ച് യാത്ര ക്രമീകരിക്കണമെന്ന് റെയിൽവേ അറിയിച്ചു.
