കള്ളാർ* : അനുകൂലമായ കാലാവസ്ഥ ഉണ്ടായിട്ടും കരാർ കാലാവധി തീ രുവാനായിട്ടും കരാർ കമ്പനി കാര്യമായ രീതിയിൽ പണി പുനരാരംഭിക്കുവാൻ തയാറയിട്ടില്ല. അതിനെതിരെ ഭരണ-പ്രതിപക്ഷ പാർട്ടികളുടെ ഭാഗത്തുനിന്നോ ഏതെങ്കിലും സംഘടനകളുടെ ഭാഗത്തുനിന്നോ കാര്യമായ പ്രതികരണങ്ങൾ ഉണ്ടാകുന്നില്ലെന്നത് ജനങ്ങളെ നിരാശപ്പെടുത്തുന്നു.
18 കിലോമീറ്റർ റോഡ് നവികരണത്തിൽ കേവലം 4 കിലോമീറ്റർ മാത്രമാണ് ഭാഗികമായിയെങ്കിലും നിർമാണം പൂർത്തിയായത്.
കള്ളാർ മുണ്ടോട്ട് മുതൽ പാണത്തൂർ ചിറംകടവ് വരെ നിരവധി കലുങ്ക് പാലങ്ങൾ നിർമാണം പൂർത്തിയാകാനുണ്ട്. ഒപ്പം തന്നെ നൂറുകണക്കിന് മരങ്ങൾ മുറിച്ചു മാറ്റുവാനുമുണ്ട്. കോളിച്ചാൽ പാണത്തൂർ ഭാഗം മരം ടെണ്ടർ നടപടികൾ പോലും പൂർത്തിയായിട്ടില്ല.
നിർമാണകാലാവധി പൂർത്തിയാകുവാൻ ഇനി ഉള്ളത് ഏതാനം മാസങ്ങൾ മാത്രം. ഉത്തരവാദിത്വപ്പെട്ടവർ ആത്മാർത്ഥമായ ഇടപെടൽ നടത്തിയിലെങ്കിൽ ഇനിയും ഒരുപാട് നാൾ മലയോര ജനതക്ക് പൂടംകല്ല് പാണത്തൂർ റോഡിൽ ദൂരിതയാത്ര തുടരേണ്ടിവരും.
