മെല്ബണ്: ആസ്ത്രേലിയന് ക്രിക്കറ്റ് ഇതിഹാസം ആന്ഡ്രൂ സൈമണ്ട്സ് (46) കാറപടകത്തില് മരിച്ചു. ശനിയാഴ്ച രാത്രിയോടെ ക്വീന്സ്ലാന്ഡിലെ ടൗണ്സ്വില്ലെയിലുള്ള വീടിന് സമീപത്ത് വെച്ചാണ് അപകടമുണ്ടാതെന്നാണ് റിപ്പോര്ട്ടുകള്. അന്താരാഷ്ട്ര ക്രിക്കറ്റ് കരിയറില് അവിസ്മരണീയ നേട്ടങ്ങള് സ്വന്തമാക്കിയ ക്രിക്കറ്ററായിരുന്നു അദ്ദേഹം. ആസ്ത്രേലിയന് ക്രിക്കറ്റ് കണ്ട ഏറ്റവും മികച്ച ഓള്റൗണ്ടര്മാരില് ഒരാളായിരുന്നു സൈമണ്ട്സ്. സൈമണ്ട്സ് താമസിച്ചിരുന്ന ടൗണ്സ്വില്ലെയില് നിന്ന് 50 കിലോമീറ്റര് അകലെയുള്ള ഹെര്വി റേഞ്ചിലായിരുന്നു അപകടം. ദാരുണമായ ഈ അപകടത്തെ കുറിച്ച് അന്വേഷിക്കുകയാണെന്ന് പോലിസ് പ്രസ്താവനയില് പറഞ്ഞു. രാത്രി 11ന് ശേഷം ഹെര്വി റേഞ്ച് റോഡില് കാര് ഓടിക്കുന്നതിനിടയില് ആലീസ് റിവര് ബ്രിഡ്ജിന് സമീപം കാര് മറിയുകയായിരുന്നു എന്നാണ് പ്രാഥമിക വിവരമെന്നും ക്രിക്കറ്റ് ആസ്ത്രേലിയ റിപ്പോര്ട്ട് ചെയ്യുന്നു.
ക്രിക്കറ്റ് ഇതിഹാസം ആന്ഡ്രൂ സൈമണ്ട്സ് കാറപടകത്തില് മരിച്ചു
