തിരുവനന്തപുരം| സാമൂഹ്യ സുരക്ഷാ പെന്ഷന് ഗുണഭോക്താക്കള്ക്ക് ആശ്വാസം. വരുമാന സര്ട്ടിഫിക്കറ്റ് ഹാജരാക്കുന്നതിനുള്ള കാലാവധി ആറുമാസം കൂടി നീട്ടിയതായി ധനകാര്യ മന്ത്രി കെ എന് ബാലഗോപാല് അറിയിച്ചു. ഈ കാലാവധിയ്ക്കുള്ളില് വരുമാന സര്ട്ടിഫിക്കറ്റ് ലഭ്യമാക്കാത്തവരുടെ പെന്ഷന് തടയരുതെന്ന് വകുപ്പിന് നിര്ദ്ദേശം നല്കി. .
അക്ഷയ കേന്ദ്രങ്ങള് വഴി ജൂണ് 30നകം വരുമാന സര്ട്ടിഫിക്കറ്റ് അപ്ലോഡ് ചെയ്യാനുള്ള സൗകര്യമുണ്ട്. .
ക്ഷേമ പെന്ഷന് ഗുണഭോക്തൃ പട്ടികയില് ഉള്പ്പെട്ടിട്ടുള്ളവരില് ഒരു തവണയെങ്കിലും വരുമാന സര്ട്ടിഫിക്കറ്റ് ലഭ്യമാക്കിയിട്ടില്ലാത്തവര് അത് ഹാജരാക്കണമെന്ന് കാണിച്ച് 2025 മെയില് സര്ക്കാര് നിര്ദ്ദേശം നല്കിയിരുന്നു. 2025 ഡിസംബര് 31 വരെയാണ് വരുമാന സര്ട്ടിഫിക്കറ്റ് ഹാജരാക്കുന്നതിനുള്ള സമയം നല്കിയിരുന്നത്. അക്ഷയ കേന്ദ്രങ്ങള് വഴി ജൂണ് 30നകം വരുമാന സര്ട്ടിഫിക്കറ്റ് അപ്ലോഡ് ചെയ്യാനുള്ള സൗകര്യമുണ്ട്. .
