യൂറോ കപ്പ് സെമിയിലെ സൂപ്പർ പോരാട്ടത്തിൽ സ്പെയിൻ 06/07/2021 ചൊവ്വാഴ്ച രാത്രി 12.30ന് ഇറ്റലിയെ നേരിടും. യൂറോ കപ്പിലെ ആദ്യ ഫൈനലിസ്റ്റുകളെ 06/07/2021 ചൊവ്വാഴ്ചയറിയാം
32 മത്സരങ്ങളായി തോൽവി അറിയാതെ കുതിയ്ക്കുന്ന ഇറ്റലി തന്നെയാണ് കരുത്തരെങ്കിലും ലൂയിസ് എൻറിക്കെ എന്ന മികച്ച ടാക്ടീഷ്യൻ പരിശീലിപ്പിക്കുന്ന സ്പെയിനെ തള്ളിക്കളയാനാവില്ല. ടീമുകൾക്കപ്പുറം, മികച്ച രണ്ട് പരിശീലകർ തമ്മിലുള്ള ഏറ്റുമുട്ടൽ കൂടിയാവും മത്സരം.
ഈ യൂറോയിൽ ഏറ്റവുമധികം ഗോളടിച്ചു കൂട്ടിയ ടീമും ഏറ്റവും കുറവ് ഗോളുകൾ വഴങ്ങിയ ടീമും നേർക്കു നേർ വരുമ്പോൾ കാത്തിരിക്കുന്നത് പൊടിപാറും പോരാട്ടത്തിനായാണ്.
