ന്യൂഡല്ഹി: ഏപ്രില് ഒന്ന് മുതല് രാജ്യത്തെ ഏഴ് ബാങ്കുകളുടെ പാസ് ബുക്കുകളും ചെക്ക് ബുക്കുകളും അസാധുവാകും. മറ്റ് ബാങ്കുകളുമായി ലയിച്ച ദേനാ ബാങ്ക്, വിജയ ബാങ്ക്, കോര്പറേഷന് ബാങ്ക്, ആന്ധ്രാ ബാങ്ക്, ഓറിയന്റല് ബാങ്ക് ഓഫ് കൊമേഴ്സ്, യുണൈറ്റഡ് ബാങ്ക്, അലഹബാദ് ബാങ്ക് എന്നിവയുടെ പാസ് ബുക്കുകളും ചെക്ക് ബുക്കുകളുമാണ് അസാധുവാകുന്നത്.ഈ ബാങ്കുകളില് അക്കൗണ്ടുള്ളവര് ഉടന് തന്നെ പുതിയ ചെക്ക് ബുക്കിന് അപേക്ഷിക്കണം. മാറിയ ഐഎസ്എഫ്ഇ കോഡും പ്രത്യേകം ചോദിച്ച് മനസിലാക്കണം.
2019 ഏപ്രില് ഒന്നിനാണ് ഈ ബാങ്കുകള് മറ്റ് ബാങ്കുകളുമായി ലയിച്ചത്. ലയന പ്രക്രിയ ഈ വര്ഷം മാര്ച്ച് 31 ഓടു കൂടി അവസാനിക്കുന്നതോടെ ഇനി പഴയ ബാങ്കുകള് ഉണ്ടായിരിക്കില്ല.ദേന ബാങ്കും വിജയ ബാങ്കും ബാങ്ക് ഓഫ് ബറോഡയുമാണ് ലയിച്ചത്. ഓറിയന്റല് ബാങ്ക് ഓഫ് കൊമേഴ്സ്, യുണൈറ്റഡ് ബാങ്ക് ഓഫ് ഇന്ത്യ എന്നിവ പഞ്ചാബ് നാഷണല് ബാങ്കുമായും ലയിച്ചു.
