മുഹമ്മ : പൂച്ചകളിൽ വൈറസ് ബാധയെന്ന് സംശയം. വീയപുരത്തും മുഹമ്മയിലും വളര്ത്തുപൂച്ചകള് ചത്തൊടുങ്ങുന്നു. 12 പൂച്ചകളാണ് ഇവിടെ കഴിഞ്ഞ ദിവസങ്ങളില് ചത്തത്. വീയപുരം പാളയത്തില് കോളനിയിലെ വിവിധ വീടുകളിലായി അഞ്ചിലേറെ പൂച്ചകള്, ദാറുസ്സലാമില് എം.എം.നിസാറിന്റെ 2 പൂച്ചകള്, കറുകത്തകിടിയില് ഷാനവാസിന്റെ ഒരു പൂച്ച, മുഹമ്മ ഒന്നാംവാര്ഡില് ചാരമംഗലം മുല്ലശേരില് സൗമ്യന്റെ വീട്ടിലെ 4 പൂച്ചകള് എന്നിവയാണ് ചത്തത്.
ചത്തുവീഴുന്നതിന് മുമ്പ് പൂച്ചകളുടെ കണ്ണുകള് ചുവക്കുകയും കണ്പോളകള് വിണ്ടു കീറുകയും ചെയ്തിരുന്നു എന്നാണ് ഉടമകള് പറയുന്നത്. പൂച്ചകളില് ചില പ്രത്യേക സീസണുകളില് കണ്ടുവരുന്ന ഒരു പ്രത്യേകതരം വൈറസ് രോഗമാണിതെന്ന് മുഹമ്മയിലെ വെറ്ററിനറി സര്ജന് ഡോ.സുരേഷ് പി.പണിക്കര് പറഞ്ഞു.
