ന്യൂഡല്ഹി: ഹരിയാനയില് മുഖ്യമന്ത്രി മനോഹര് ലാല് ഖട്ടറിന്റെ റാലിയിലേക്ക് കർഷകർ പ്രതിഷേധ മാർച്ച് നടത്തി. മാർച്ച് നടത്തിയ കര്ഷകര്ക്ക് നേരെ ലാത്തി വീശിയ പൊലീസ് കണ്ണീര് വാതകവും പ്രയോഗിച്ചു.
ഹരിയാനയിലെ കര്ണാലിലെ മുഖ്യമന്ത്രിയുടെ പരിപാടി നടക്കുന്ന മൈതാനത്തേക്കായിരുന്നു കര്ഷകരുടെ പ്രതിഷേധ മാര്ച്ച്. സംഘര്ഷത്തെ തുടര്ന്ന് മുഖ്യമന്ത്രിയുടെ സന്ദര്ശനവും കര്ഷകരുമായുള്ള കൂടിക്കാഴ്ച്ചയും റദ്ദാക്കി.
മുഖ്യമന്ത്രിയുടെ സമ്മേളന സ്ഥലവും വന്നിറങ്ങാനായി നിര്മ്മിച്ച ഹെലിപ്പാഡും കര്ഷകര് കൈയ്യടക്കി. ഗ്രാമത്തിലെ കര്ഷകരുടെ യോഗത്തില് പങ്കെടുക്കാനും സെപ്റ്റംബറില് പാസാക്കിയ കേന്ദ്രത്തിന്റെ മൂന്ന് കാര്ഷിക നിയമങ്ങളെ കുറിച്ച് സംസാരിക്കാനുമായിരുന്നു മനോഹര് ലാല് ഖട്ടറിന്റെ തീരുമാനം.
പ്രദേശത്ത് സംഘര്ഷ സാധ്യത കണക്കിലെടുത്ത് ഗ്രാമത്തില് കനത്ത സുരക്ഷ ഏര്പ്പെടുത്തിയിരുന്നു.
