കാസര്കോട്:മദ്യലഹരിയിലുണ്ടായ തര്ക്കത്തെ തുടര്ന്ന് നിര്മ്മാണ തൊഴിലാളിയെ തലക്കടിച്ചു കൊന്നു. സന്തോഷ് നഗറില് വാടകയ്ക്ക് താമസിക്കുന്ന തിരുവനന്തപുരം സ്വദേശി വിജയന്മേസ്ത്രി (65)ആണ് കൊല്ലപ്പെട്ടത്. കഴിഞ്ഞ 5 വര്ഷമായി സന്തോഷ് നഗറില് താമസിച്ച് നിര്മ്മാണ തൊഴിലില് ഏര്പ്പെട്ടു വരികയായിരുന്നു.
ഇയാളുടെകൂടെ ക്വാര്ട്ടേഴ്സില് താമസിക്കുകയായിരുന്ന തമിഴ്നാട് തഞ്ചാവൂര് സ്വദേശിയാണ് കൊല നടത്തിയതെന്ന് സംശയിക്കുന്നു. തലക്കുപിറകിലാണ് ഗുരുതരമായി പരിക്കേറ്റത്.മൃതദേഹം ജനറലാശുപത്രി മോര്ച്ചറിയില് സൂക്ഷിച്ചിരിക്കുന്നു. കൊലക്കുശേഷം കടന്നുകളഞ്ഞ ഇയാള് പോലീസിന്റെ വലയിലായിട്ടുണ്ടെന്നാണ് സൂചന.
